രാഹുൽ മാങ്കൂട്ടത്തിലിന്റെ പ്രചാരണ വിഡിയോ പത്തനംതിട്ട സിപിഎമ്മിന്റെ ഫെയ്സ്ബുക് പേജിൽ വന്ന സംഭവത്തിൽ ഹാക്കിങ് ആണെന്ന ജില്ലാ സെക്രട്ടറി കെ.പി.ഉദയഭാനുവിന്റെ വാദത്തിനു തിരിച്ചടിയായി പുതിയ റിപ്പോർട്ട്. സംഭവം ഹാക്കിങ് അല്ലെന്നും പോസ്റ്റ് പേജ് അഡ്മിൻമാരിൽ ഒരാൾ വിഡിയോ അപ്ലോഡ് ചെയ്തതാണെന്നും വ്യക്തമായി. rahul mankoottathil video in cpm page update
സംഭവം ഹാക്കിങ്ങല്ലെന്നും സിപിഎം പ്രവർത്തകർ തനിക്ക് നൽകിയ പിന്തുണ ആണെന്നും ഇന്നലെ രാഹുൽ മറുപടി നൽകിയിരുന്നു. സംഭവത്തിൽ സംസ്ഥാന നേതൃത്വം ജില്ലാ കമ്മിറ്റിയോട് വിശദീകരണം തേടി.
ഇതിനിടെ, വിഡിയോ വന്നതിനു പിന്നാലെ ജില്ലാ കമ്മിറ്റി അഡ്മിൻ പാനൽ അഴിച്ചു പണിതു. ഹാക്കിങ് ചൂണ്ടിക്കാട്ടി പൊലീസിൽ കേസ് കൊടുക്കുമെന്നാണു ജില്ലാ സെക്രട്ടറി പറഞ്ഞതെങ്കിലും പാർട്ടി ഇതുവരെ പൊലീസിനെ സമീപിച്ചിട്ടില്ല.
