സോപ്പോർ: ജമ്മു കശ്മീരില് വീണ്ടും ഏറ്റുമുട്ടല്. ഒരു ഭീകരനെ സുരക്ഷാസേന വധിച്ചു. സോപ്പോറിലെ രാംപോരയിലാണ് ഏറ്റുമുട്ടലുണ്ടായത്. ആയുധങ്ങളും പിടിച്ചെടുത്തിട്ടുണ്ട്.(Again encounter in Jammu and Kashmir; terrorist killed)
പാക് ഭീകരനാണ് കൊല്ലപ്പെട്ടത് എന്നാണ് സൂചന. മേഖലയില് ഭീകര സാന്നിധ്യത്തെ കുറിച്ചുള്ള വിവരത്തിന്റെ അടിസ്ഥാനത്തില് സേന തിരച്ചില് നടത്തുകയായിരുന്നു. ഈ തിരച്ചിലിനിടയിലാണ് സേനയ്ക്ക് നേരെ വെടിയുതിർത്തത്. തുടർന്നാണ് ഏറ്റുമുട്ടൽ നടന്നത്.
ഇപ്പോഴും മേഖല കേന്ദ്രീകരിച്ച് സൈനിക നടപടി പുരോഗമിക്കുകയാണ്. കൂടുതല് ഭീകരര് ഇവിടെയുള്ളതായാണ് സേനയ്ക്ക് ലഭിച്ച വിവരം. ഇതിന്റെ അടിസ്ഥാനത്തിൽ പരിശോധന കർശനമാക്കിയിട്ടുണ്ട്.
