പി.പി ദിവ്യ രണ്ടു ദിവസം കഴിഞ്ഞ് പൊട്ടിക്കുമെന്ന് പറഞ്ഞ ബോംബ് ഇതായിരുന്നു… അതൊരു വ്യാജ പരാതി ആയിരുന്നില്ല…  പ്രശാന്തും പ്രശാന്തനും ഒന്നു തന്നെ, തിരിച്ചറിയൽ രേഖകളിലും രണ്ടു പേരുകൾ

കണ്ണൂർ: എഡിഎം നവീൻ ബാബുവിനെതിരെ പരാതി നൽകിയ പ്രശാന്തൻ പോലീസിന് നൽകിയ മൊഴി സാധൂകരിക്കുന്ന സിസിടിവി ദൃശ്യങ്ങൾ പുറത്തുവന്നത് ദിവസങ്ങൾക്കു മുമ്പാണ്. 

എന്നാൽ എന്തിനാണ് കൂടികാഴ്ച നടത്തിയതെന്ന കാര്യത്തിൽ ഇപ്പോഴും അവ്യക്തത തുടരുന്നതിനിടെ നിർണായകമായ ചില വിവരങ്ങൾ കൂടി പുറത്തു വന്നു. 

ഒക്ടോബർ ആറാം തീയതി പരാതിക്കാരനായ പ്രശാന്തൻ എ.ഡി എമ്മിനെ കാണാൻ ക്വാട്ടേഴ്സിൽ എത്തി പണം നൽകി എന്നായിരുന്നു പോലീസിന് നൽകിയ മൊഴി. 

പണം നൽകിയിട്ടുണ്ടോ എന്ന കാര്യത്തിൽ വ്യക്തത ഇല്ലെങ്കിലും ക​ണ്ണൂ​ർ എ​ഡി​എം ന​വീ​ൻ ബാ​ബു ജീ​വ​നൊ​ടു​ക്കി​യ സം​ഭ​വ​ത്തി​ൽ നി​ർ​ണാ​യ​ക ഫോ​ൺ കോ​ൾ വി​വ​ര​ങ്ങ​ൾ അ​ന്വേ​ഷ​ണ സം​ഘം ക​ണ്ടെ​ത്തിയിട്ടുണ്ട്. 

വി​വാ​ദ പെ​ട്രോ​ൾ​പ​മ്പ് ഉ​ട​മ ടി.​വി. പ്ര​ശാ​ന്തി​ന്‍റെ കോ​ൾ ഡീ​റ്റെ​യി​ൽ​സ് റി​ക്കാ​ർ​ഡി​ൽ (സി​ഡി​ആ​ർ) നി​ന്നാ​ണ് വി​വ​ര​ങ്ങ​ൾ പു​റ​ത്തു വ​ന്നി​ട്ടു​ള്ള​ത്. ന​വീ​ൻ ബാ​ബു​വും പ്ര​ശാ​ന്തും ക​ണ്ടു​മു​ട്ടി​യെ​ന്ന് പ​റ​യു​ന്ന ഒ​ക്ടോ​ബ​ർ ആ​റി​ന്‍റെ കോ​ൾ ഡീ​റ്റെ​യി​ൽ​സാ​ണ് ല​ഭി​ച്ച​ത്.

ഒക്ടോബർ ആറാം തീയതി രാവിലെ 11.10ന് നവീൻ ബാബു 7ൽ തുടങ്ങുന്ന തന്റെ സ്വകാര്യ നമ്പറിൽ നിന്നും പ്രശാന്തനെ വിളിച്ചിട്ടുണ്ട്. 

30 സെക്കൻഡിൽ താഴെ മാത്രം ദൈർഘ്യമുള്ള ഫോൺ കോളായിരുന്നു അത്. പിന്നീട് പ്രശാന്തൻ നവീൻ ബാബുവിനെ തിരിച്ചു വിളിച്ചു. 

അതും 30 സെക്കൻഡിൽ താഴെ മാത്രം ദൈർഘ്യമുള്ള കോൾ. പിന്നീട് നവീൻബാബു പ്രശാന്തനെ തിരികെ വിളിക്കുന്നത് 12.45ന്. അതൊരു 26 സെക്കന്റ് മാത്രം നീണ്ടു നിന്ന ഫോൺ കോൾ. 

പിന്നീട് 8നും 9നും പ്രശാന്തൻ തിരിച്ചു വിളിച്ചിട്ടും എടുത്തില്ല. ഈ ഫോൺ കോളുകളുടെ സ്ക്രീൻ ഷോർട്ടുകൾ വിജിലൻസിന്റെ പക്കലുണ്ടെന്നാണ് സൂചന. 

പിന്നീട് നവംബർ 11നാണ് പ്രശാന്തൻ മുഖ്യമന്ത്രിക്ക് പരാതി നൽകുന്നത്. എന്നാൽ പരാതിയിൽ രേഖപ്പെടുത്തിയിരിക്കുന്ന തീയതി 10 എന്നാണ്. പിന്നീട് രണ്ടു ദിവസം അവധി ദിനങ്ങളായിരുന്നു. എങ്കിലും ഇതിനിടെ പ്രാഥമിക അന്വേഷണം തുടങ്ങിയിരുന്നെന്നാണ് സൂചന.

14ന് ഉച്ചയ്ക്കാണ് പ്രശാന്ത് കണ്ണൂർ വിജിലൻസ് ഓഫീസിൽ എത്തി വിവരങ്ങൾ നൽകിയതെന്നാണ് ഇനിയും സ്ഥിരീകരിക്കാത്ത വിവരം. അന്നു തന്നയായിരുന്നു നവീൻ ബാബുവിന്റെ യാത്രയയപ്പ് ചടങ്ങ് നടന്നതും. 

കോൾ ഹിസ്റ്ററിയുടെ സ്ക്രീൻ ഷോർട്ടുകൾ ഉദ്യോഗസ്ഥർക്ക് കൈമാറിയ കാര്യം പി പി ദിവ്യക്ക് അറിയാമായിരുന്നെന്നാണ് സൂചന. അങ്ങനെ എങ്കിൽ ഇതു തന്നെയാവണം പി പി ദിവ്യ രണ്ടു ദിവസം കഴിഞ്ഞ് പൊട്ടിക്കുമെന്ന് പറഞ്ഞ ബോംബ് !

മാധ്യമങ്ങൾ പുറത്തുവിട്ട മറ്റൊരു ബ്രേക്കിം​ഗ് ന്യൂസ് ആണ് പ്രശാന്തും പ്രശാന്തനും രണ്ടാണെന്നത്. പരാതിയിൽ ടി.വി പ്രശാന്തൻ എന്നും കരാറിൽ ടി.വി പ്രശാന്ത് എന്നുമാണ് രേഖപ്പെടുത്തിയിരിക്കുന്നത്. 

ഇതേതുടർന്ന് പേരുകൾ വ്യാജമാണെന്നാണ് പുറത്തുവന്ന മറ്റൊരു വിവരം. എന്നാൽ പ്രശാന്തും പ്രശാന്തനും ഒന്നാണെന്ന് ആണ്  പോലീസ് വൃത്തങ്ങൾ നൽകുന്ന സൂചന. ഇയാളുടെ ആധാർ, പാസ്പോർട്ട്, പാൻകാർഡ്, തിരിച്ചറിയൽ കാർഡ് തുടങ്ങിയ പല ഔദ്യോ​ഗീക രേഖകളിൽ രണ്ടു പേരുകളും ഉണ്ടെന്നാണ്ലഭിക്കുന്ന വിവരം.

ആ​റി​ന് രാ​വി​ലെ 11.10ന് ​ന​വീ​ൻ ബാ​ബു പ്ര​ശാ​ന്തി​നെ ഫോ​ണി​ൽ വി​ളി​ച്ചു. അ​ന്ന് ത​ന്നെ ഉ​ച്ച​യ്ക്ക് 12.42 നും 12.48 ​നും പ്ര​ശാ​ന്ത് തി​രി​ച്ച് ന​വീ​ൻ ബാ​ബു​വി​നെ​യും വി​ളി​ച്ചി​ട്ടു​ണ്ട്. 11.10ന് ​ന​വീ​ൻ ബാ​ബു​വി​ന്‍റെ കോ​ൾ അ​റ്റ​ൻ​ഡ് ചെ​യ്യു​മ്പോ​ൾ പ്ര​ശാ​ന്തി​ന്‍റെ ട​വ​ർ ലൊ​ക്കേ​ഷ​ന്‍റെ അ​ദ്ദേ​ഹ​ത്തി​ന്‍റെ നാ​ടാ​യി​രു​ന്നു.

എ​ന്നാ​ൽ 12.42നും 12.48 ​നും പ്ര​ശാ​ന്ത് ന​വീ​ൻ ബാ​ബു​വി​നെ വി​ളി​ക്കു​മ്പോ​ൾ പ്ര​ശാ​ന്തി​ന്‍റെ ട​വ​ർ ലൊ​ക്കേ​ഷ​ൻ ന​വീ​ൻ ബാ​ബു​വി​ന്‍റെ ക്വാ​ർ​ട്ടേ​ഴ്സ് സ്ഥി​തി ചെ​യ്യു​ന്ന പ​ള്ളി​ക്കു​ന്നി​ലും. ഈ ​സ​മ​യ​ത്തു​ള്ള സി​സി​ടി​വി ദൃ​ശ്യ​ങ്ങ​ൾ നേ​ര​ത്തെ ത​ന്നെ പോ​ലീ​സ് ശേ​ഖ​രി​ച്ചി​രു​ന്നു. പ്ര​ശാ​ന്തി​ന്‍റെ ഈ കോ​ൾ ഡീ​റ്റെ​യി​ൽ​സ് കോ​ട​തി​യി​ൽ ആ​യു​ധ​മാ​ക്കാ​നു​ള്ള നീ​ക്ക​ത്തി​ലാ​ണ് പ്ര​തി​ഭാ​ഗം.

വി​ജി​ല​ൻ​സ് ഡി​വൈ​എ​സ്പി ഓ​ഫീ​സി​ലെ​യും കെ​ടി​ഡി​സി ഹോ​ട്ട​ലി​ലെ​യും സി​സി​ടി​വി ദൃ​ശ്യ​ങ്ങ​ൾ ആ​വ​ശ്യ​പ്പെ​ട്ടു പ്ര​തി​ഭാ​ഗം ക​ണ്ണൂ​ർ ജു​ഡീ​ഷ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ അ​പേ​ക്ഷ ന​ൽ​കി. 

ന​വീ​ൻ ബാ​ബു മ​രി​ക്കു​ന്ന​തി​ന് ത​ലേ​ന്നാ​യ ഒ​ക്ടോ​ബ​ർ 14ന് ​ഉ​ച്ച​യ്ക്ക് 12.30 മു​ത​ൽ 1.45 വ​രെ​യു​ള്ള സി​സി ടി​വി ദൃ​ശ്യ​ങ്ങ​ൾ ല​ഭ്യ​മാ​ക്ക​ണ​മെ​ന്നാ​വ​ശ്യ​പ്പെ​ട്ടാ​ണ് പ്ര​തി​ഭാ​ഗം അ​ഭി​ഭാ​ഷ​ക​ൻ കെ. ​വി​ശ്വ​ൻ ക​ണ്ണൂ​ർ ജു​ഡീ​ഷ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ ഹ​ർ​ജി ന​ൽ​കി​യ​ത്.

അ​ന്നേ​ദി​വ​സം പ്ര​ശാ​ന്തി​നെ വി​ജി​ല​ൻ​സ് സി​ഐ ബി​നു മോ​ഹ​ന​നും വി​ജി​ല​ൻ​സ് ഡി​വൈ​എ​സ്പി​യും ചോ​ദ്യം ചെ​യ്തി​രു​ന്നു. ഇ​ത് സ്ഥി​രീ​ക​രി​ക്കു​ന്ന​തി​നാ​ണ് അ​പൂ​ർ​വ​ങ്ങ​ളി​ൽ അ​പൂ​ർ​വ​മാ​യ തെ​ളി​വു ശേ​ഖ​രി​ക്ക​ൽ ന​ട​പ​ടി​യി​ലേ​ക്ക് ക​ട​ന്നി​ട്ടു​ള്ള​ത്.

ഇ​ത്ത​രം തെ​ളി​വു ശേ​ഖ​ര​ണ​ത്തി​ന് പ​രി​മി​ത​മാ​യ അ​വ​കാ​ശ​ങ്ങ​ളെ പ്ര​തി​ഭാ​ഗ​ത്തി​നു​ള്ളൂ​വെ​ന്നും വ​ർ​ഷ​ങ്ങ​ൾ​ക്ക് ശേ​ഷം കേ​സ് വി​ചാ​ര​ണ​യ്ക്ക് വ​രു​മ്പോ​ൾ ഈ ​സി​സി​ടി​വി ദൃ​ശ്യ​ങ്ങ​ൾ നി​ർ​ണാ​യ​ക​മാ​കു​മെ​ന്നും അ​പ്പോ​ൾ ഈ ​തെ​ളി​വ് ശേ​ഖ​രി​ക്ക​ൽ അ​സാ​ധ്യ​മാ​യ​തി​നാ​ലാ​ണ് ഇ​ത്ത​രം ഒ​രു അ​പേ​ക്ഷ​യു​മാ​യി കോ​ട​തി​യെ സ​മീ​പി​ച്ച​തെ​ന്നും പ്ര​തി​ഭാ​ഗം അ​ഭി​ഭാ​ഷ​ക​ൻ കെ. ​വി​ശ്വ​ൻ പ​റ​ഞ്ഞു.

ന​വീ​ൻ ബാ​ബു​വി​ന് പ​റ്റി​യ തെ​റ്റെ​ന്താ​ണ് എ​ന്ന ചോ​ദ്യ​ത്തി​ന് ഉ​ത്ത​രം ല​ഭി​ക്കാ​ത്ത​ത് അ​ന്വേ​ഷ​ണ സം​ഘ​ത്തെ കു​ഴ​ക്കു​ന്നു​ണ്ട്. ലാ​ൻ​ഡ് റ​വ​ന്യൂ ജോ​യി​ന്‍റെ ക​മ്മീ​ഷ​ണ​ർ എം. ​ഗീ​ത​യ്ക്കു ക​ള​ക്ട​ർ അ​രു​ൺ കെ. ​വി​ജ​യ​ൻ ന​ൽ​കി​യ മൊ​ഴി​യി​ലും പോ​ലീ​സി​നു ന​ൽ​കി​യ മൊ​ഴി​യി​ലും ത​നി​ക്ക് തെ​റ്റു​പ​റ്റി​യെ​ന്ന് ന​വീ​ൻ ബാ​ബു പ​റ​ഞ്ഞ​താ​യി വെ​ളി​പ്പെ​ടു​ത്തു​ന്നു​ണ്ട്.

സ്വാ​ഭാ​വി​ക​മാ​യും തെ​റ്റു​പ​റ്റി​യെ​ന്ന് ഒ​രാ​ൾ പ​റ​ഞ്ഞാ​ൽ എ​ന്താ​ണ് തെ​റ്റ് എ​ന്ന് മ​റു​ചോ​ദ്യം ഉ​യ​രി​ല്ലേ? ക​ള​ക്ട​ർ ഇ​ക്കാ​ര്യം ന​വീ​ൻ ബാ​ബു​വി​നോ​ട് ചോ​ദി​ച്ചി​രു​ന്നോ? പെ​ട്രോ​ൾ പ​മ്പ് വി​ഷ​യ​ത്തി​ൽ പ​ണം വാ​ങ്ങി​യ​താ​ണോ? അ​തോ അ​തി​നേ​ക്കാ​ൾ വ​ലി​യ മ​റ്റ് തെ​റ്റു​ക​ൾ വ​ല്ല​തു​മാ​ണോ സം​ഭ​വി​ച്ചി​ട്ടു​ള്ള​ത് എ​ന്ന ചോ​ദ്യ​മാ​ണ് പ്ര​തി​ഭാ​ഗം ഉ​യ​ർ​ത്തു​ന്ന​ത്.

ന​വീ​ൻ ബാ​ബു കേ​സി​ൽ റി​മാ​ൻ​ഡി​ൽ ക​ഴി​യു​ന്ന പി.​പി. ദി​വ്യ​യു​ടെ ജാ​മ്യ​ഹ​ർ​ജി അ​ഞ്ചി​നാ​ണ് ത​ല​ശേ​രി പ്രി​ൻ​സി​പ്പ​ൽ സെ​ഷ​ൻ​സ് ജ​ഡ്ജ് കെ.​ടി. നി​സാ​ർ അ​ഹ​മ്മ​ദ് പ​രി​ഗ​ണി​ക്കു​ന്ന​ത്. കേ​സി​ൽ അ​ന്ന് വാ​ദം ന​ട​ക്കും. തു​ട​ർ​ന്ന് കോ​ട​തി ജാ​മ്യ ഹ​ർ​ജി​യി​ൽ വി​ധി പ​റ​യും.

Former ADM Naveen Babu was found dead in his official residence in Kannur on October 15, a day after the farewell function in which Divya publicly accused him of being corrupt