തിരുവനന്തപുരം: ഓൺലൈൻ തട്ടിപ്പിലൂടെ ലക്ഷങ്ങൾ തട്ടിയെടുത്ത മൂന്നംഗ സംഘം പിടിയിൽ. വിയറ്റ്നാം സ്വദേശിയായ ലെ കോക് ട്രോങ്, തമിഴ്നാട് സ്വദേശിയായ കണ്ണൻ, മനോജ് കുമാർ എന്നിവരെയാണ് തിരുവനന്തപുരം ഫോർട്ട് പൊലീസ് അറസ്റ്റ് ചെയ്തത്.Three-member gang arrested for stealing lakhs of rupees through online fraud
സിനിമകളുടെ പരസ്യങ്ങൾക്ക് ലൈക്കും ഷെയറും ചെയ്താൽ പണം ലഭിക്കുമെന്നും പണം ഇരട്ടിപ്പിലൂടെ ഇരട്ടി പണം നേടാമെന്നും വിശ്വസിപ്പിച്ചായിരുന്നു സംഘത്തിന്റെ തട്ടിപ്പ്.
തിരുവനന്തപുരം മണ്ണന്തല സ്വദേശിയുടെ പരാതിയിലാണ് നടപടി. ഫോർട്ട് പൊലീസിന് ലഭിച്ച പരാതിയുടെ അടിസ്ഥാനത്തിൽ നടത്തിയ അന്വേഷണത്തിനൊടുവിലാണ് പ്രതികൾ വലയിലായത്.
ടെലിഗ്രാം ആപ്പിലൂടെയാണ് ഇവർ തട്ടിപ്പിന് വേണ്ടിയുള്ള സന്ദേശങ്ങൾ അയച്ചത്. അന്വേഷണം നടത്തിയ പൊലീസ് സംഘം ഹൈദരാബാദിൽ വച്ച് പ്രതികളെ തന്ത്രപൂർവം അറസ്റ്റ് ചെയ്യുകയായിരുന്നു.
സമാനമായ രീതിയിൽ ഇതേ പ്രതികൾ കൂടുതൽ പേരെ തട്ടിപ്പിന് ഇരയാക്കിയിട്ടുണ്ടെന്നാണ് പൊലീസ് പറയുന്നത്. അറസ്റ്റ് ചെയ്ത പ്രതികളെ കോടതിയിൽ ഹാജരാക്കി.
