കാനഡയിൽ ഖാലിസ്ഥാൻ നേതാവിന്റെ കൊലപാതകത്തെ തുടർന്ന് ഇന്ത്യ കാനഡ നയതന്ത്ര ബന്ധം കൂടുതൽ വഷളാകുമെന്ന് സൂചന. Questions are being raised about the future of lakhs of Indian students studying in Canada
പരസ്പരമുള്ള നയതന്ത്ര പ്രതിനിധികളെ പുറത്താക്കിയതിന് ശേഷം കനേഡിയൻ പ്രധാനമന്ത്രി രാഷ്ട്രീയ നേട്ടങ്ങൾ ലക്ഷ്യമിട്ട് ഇന്ത്യയ്ക്കെതിരെ കൂടുതൽ നീക്കങ്ങൾ നടത്തുവാനുള്ള സാധ്യത അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.
ഇതോടെ കാനഡയിൽ പഠിക്കുന്ന ലക്ഷക്കണക്കിന് ഇന്ത്യൻ വിദ്യാർഥികളുടെ ഭാവിയെക്കുറിച്ചും ചോദ്യങ്ങൾ ഉയരുന്നുണ്ട്. പഠനത്തിന് ശേഷം സ്ഥിരതാമസത്തിനുള്ള അനുമതിയും ( പി.ആർ.) തുടർന്ന് കനേഡിയൻ പൗരത്വവും ലക്ഷ്യമിട്ടാണ് വിദ്യാർഥികൾ പലരും കാനഡയിലേക്ക് പഠനത്തിനായി പോയത്.
കടമെടുത്തും നിലവിലുള്ള സമ്പാദ്യങ്ങൾ വിറ്റഴിച്ചും പോയ വിദ്യാർഥികളുടെ പി.ആർ, പൗരത്വ സ്വപ്നങ്ങൾ നയതന്ത്ര ബന്ധങ്ങൾ ശക്തമാകുന്നതുവരെ തുലാസിലാകും. കൂടാതെ കാനഡയിലെ തട്ടിക്കൂട്ട് സർവകലാശാലകൾ പലതും ഇന്ത്യൻ വിദ്യാർഥികളെക്കൊണ്ടാണ് പിടിച്ചു നിൽക്കുന്നത്.
ഇന്ത്യൻ വിദ്യാർഥികൾക്കെതിരെയുള്ള നീക്കം സാമ്പത്തികമായി കാനേഡിയൻ സർവകലാശാലകളിൽ പലതിനെയും പ്രതിസന്ധിയിലാഴ്ത്തുകയും ചെയ്യും.
