കണ്ണൂര്: കണ്ണൂരിൽ എംപോക്സ് രോഗലക്ഷണങ്ങളോടെ ചികിത്സ തേടിയ യുവതിയുടെ പരിശോധനാഫലം നെഗറ്റീവ്. ആശുപത്രിയില് പ്രവേശിപ്പിച്ച യുവതിക്ക് ചിക്കന്പോക്സ് ആണെന്ന് സ്ഥിരീകരിച്ചു. പരിയാരം മെഡിക്കല് കോളജില് ഐസോലേഷനില് പ്രവേശിച്ച യുവതിയുടെ പരിശോധനാഫലമാണ് പുറത്തുവന്നത്.(M pox result negative in kannur)
സെപ്തംബര് ഒന്നിന് വിദേശത്ത് നിന്നും വന്നതായിരുന്നു യുവതി. കഴിഞ്ഞ ഒരാഴ്ച്ചയായി രോഗ ലക്ഷണങ്ങള് പ്രകടിപ്പിച്ച ഇവരെ കഴിഞ്ഞ ദിവസം രാവിലെയാണ് ആശുപത്രിയില് പ്രവേശിപ്പിച്ചത്. തുടർന്ന് സംശയത്തിന്റെ അടിസ്ഥാനത്തിൽ പരിയാരം മെഡിക്കല് കോളജില് ഐസോലേഷനിലേക്ക് മാറ്റുകയായിരുന്നു.
സംസ്ഥാനത്ത് കഴിഞ്ഞ ദിവസമാണ് വിദേശത്തു നിന്നെത്തിയ മലപ്പുറം സ്വദേശിക്ക് എംപോക്സ് സ്ഥിരീകരിച്ചത്. രാജ്യത്തെ രണ്ടാമത്തെ എംപോക്സ് കേസാണ് മലപ്പുറത്ത് റിപ്പോര്ട്ട് ചെയ്തത്. യുഎഇയില് നിന്നും എത്തിയ 38 കാരനാണ് രോഗം സ്ഥിരീകരിച്ചത്.
