ചെന്നൈ: ഉദയനിധി സ്റ്റാലിൻ തമിഴ്നാട് ഉപമുഖ്യമന്ത്രിയാകും. കരുണാനിധി കുടുംബത്തിൽ ഇതു സംബന്ധിച്ച് ധാരണയായി എന്നാണ് വിവരം. ഔദ്യോഗിക പ്രഖ്യാപനം ഉടന് ഉണ്ടാകും.(Udayanidhi Stalin will be appointed Deputy Chief Minister of Tamil Nadu)
ഡിഎംകെയിലെ തലമുറമാറ്റം കൂടിയാണ് തീരുമാനത്തിലൂടെ നടപ്പിലാക്കുന്നത്. ദിവസങ്ങള്ക്ക് മുമ്പ് മകൻ ഉദയനിധി സ്റ്റാലിനെ ഉപമുഖ്യമന്ത്രിയാക്കുന്നതിനെക്കുറിച്ച് തമിഴ്നാട് മുഖ്യമന്ത്രി എംകെ സ്റ്റാലിൻ സൂചന നല്കിയിരുന്നു. ഉദയനിധി സ്റ്റാലിനെ ഉപമുഖ്യമന്ത്രിയാക്കുമെന്ന് നേരത്തെയും റിപ്പോർട്ടുകളുണ്ടായിരുന്നെങ്കിലും ഇക്കാര്യത്തില് സ്ഥിരീകരണമുണ്ടായിരുന്നില്ല.
മൂന്ന് വർഷം മുൻപ് വെള്ളിത്തിര വിട്ട് രാഷ്ട്രീയത്തിലിറങ്ങിയ ഉദയനിധി സ്റ്റാലിൻ, ഡിഎംകെയുടെ നേതൃപദവിയിലേക്ക് എത്തുന്നതിന്റെ ആദ്യ പടിയാണ് ഉപമുഖ്യമന്ത്രി പദം. നിലവിൽ കായിക, യുവജനക്ഷേമ മന്ത്രിയാണ് 46 കാരനായ ഉദയനിധി സ്റ്റാലിൻ.
