പാലക്കാട്: സർക്കാരിനു കീഴിൽ പ്രവർത്തിക്കുന്ന നിർഭയ കേന്ദ്രത്തിൽ കഴിഞ്ഞിരുന്ന മൂന്നു പെൺകുട്ടികളെ കാണാനില്ല. തിങ്കളാഴ്ച രാത്രി 10 മണിയോടെയാണ് സംഭവം. 17 വയസ്സുള്ള രണ്ടുപേരും പതിനാലുകാരിയുമാണ് കാണാതായത്.(3 girls missing from Nirbhaya Center in Palakkad)
കാണാതായവരിൽ ഒരാൾ പോക്സോ അതിജീവിതയാണ്. സുരക്ഷാ ജീവനക്കാരുടെ കണ്ണുവെട്ടിച്ച് മുറികളിൽ നിന്നും ഇവർ പുറത്തുചാടുകയായിരുന്നു എന്നാണ് വിവരം. കുട്ടികളെ കാണാതായതിനു പിന്നാലെ നിര്ഭയ കേന്ദ്രം അധികൃതര് വിവരം പൊലീസിൽ അറിയിച്ചു.
പൊലീസ് അന്വേഷണം ആരംഭിച്ചിട്ടുണ്ട്. സിസിടിവി ദൃശ്യങ്ങള് ഉള്പ്പെടെ പരിശോധിച്ചാണ് അന്വേഷണം പുരോഗമിക്കുന്നത്.
