മുല്ലപ്പെരിയാർ വിഷയത്തിൽ സിറോ മലബാർ സഭക്കും ഡീൻ കുര്യാക്കോസ് എം പിക്കും എതിരെ പ്രതിഷേധവുമായി തമിഴ്നാട്ടിലെ കർഷക സംഘടനകൾ.Tamil Nadu farmers’ organizations protest against Syro Malabar Sabha and Dean Kuriakos MP on Mullaperiyar issue
പ്രതിഷേധത്തിന്റെ ഭാഗമായി ശനിയാഴ്ച ഉത്തമ പാളയത്ത് ഏകദിന ഉപവാസ സമരം നടത്തുമെന്നും കർഷക സംഘം നേതാവ് അൻവർ ബാലശിങ്കം പറഞ്ഞു.
മുല്ലപ്പെരിയാറിന്റെ സുരക്ഷയെപ്പറ്റി കേരളത്തിലെ ചില രാഷ്ട്രീയനേതാക്കളും സാമൂഹിക പ്രവർത്തകരും തെറ്റിദ്ധാരണ പരത്തുകയാണെന്ന് ആരോപിച്ച് തമിഴ്നാട്ടിലെ കർഷകർ പ്രതിഷേധദിനം ആചരിച്ചിരുന്നു.
ഇതിൻ്റെ തുടർച്ചയായാണ് ഉപവാസ സമരം ആചരിക്കുന്നതെന്നാണ് അൻവർ ബാലശിങ്കം പറയുന്നത്.
രണ്ടാഴ്ച മുമ്പ് കേരള അതിർത്തിയിൽ കുമളിയിലേക്കുള്ള പാത ഉപരോധിച്ച് സമരം നടത്തിയിരുന്നു.
ഉപവാസ സമരം കേരളത്തിനെതിരെ അല്ല, ചില നേതാക്കൾക്കെതിരെയാണെന്നും പെരിയാർ വൈഗെ ഇറിഗേഷൻ ഫാർമേഴ്‌സ് അസോസിയേഷൻ കോഡിനേറ്റർ അൻവർ ബാലസിങ്കം പറഞ്ഞു.
കേരളത്തിൽ പ്രകൃതിക്ഷോഭം ഉണ്ടാവുമ്പോഴെല്ലാം മുല്ലപ്പെരിയാർ പൊട്ടാൻ പോകുന്നെന്ന് പ്രചരിപ്പിക്കുന്നത് പതിവാണെന്ന് അൻവർ ബാലസിങ്കം പറഞ്ഞു.
വയനാട്ടിലെ ദുരന്തത്തിന്റെ പശ്ചാത്തലത്തിൽ അത് വീണ്ടും തുടങ്ങിയിട്ടുണ്ട്. മുല്ലപ്പെരിയാർ ഉടൻ പൊട്ടുമെന്നുപറഞ്ഞ് സാമൂഹികമാധ്യമങ്ങൾവഴി ഭീതി പരത്തുകയാണ്. അണക്കെട്ട് സുരക്ഷിതമാണെന്ന് സുപ്രീം കോടതി വ്യക്തമാക്കിയതാണ്.
ഭീതിപരത്തി സുപ്രീംകോടതി ഉത്തരവ് മറികടക്കാനാണ് കേരളത്തിന്റെ ശ്രമമെന്നാണ് ബാലശിങ്കത്തിൻ്റെ ആരോപണം.
