മഴയോട് മഴ; ഈ ജൂലൈയിൽ കേരളത്തെ കാത്തിരിക്കുന്നത് നിസ്സാര മഴയല്ല ! കാലാവസ്ഥാ മുന്നറിയിപ്പ് ഇങ്ങനെയാണ്…

സാധാരണ വര്‍ഷങ്ങളില്‍ ജൂലായ് മാസത്തില്‍ ലഭിക്കുന്നതിനേക്കാള്‍ കൂടുതല്‍ മഴ ഇൗ വര്‍ഷം ലഭിക്കുമെന്നു
കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. രാജ്യത്ത് പൊതുവിലും ജൂലായില്‍ സാധാരണ ലഭിക്കുന്നതിനേക്കാള്‍ മഴ ലഭിക്കാനാണ് സാദ്ധ്യതയെന്നാണ് കേന്ദ്ര കാലാവസ്ഥാ വകുപ്പ് പ്രവചിക്കുന്നത്. (This year it will receive more rain than the month of July in normal years Warning of Central Meteorological Department.)

ജൂലായ് മാസത്തിലും പസഫിക്ക് സമുദ്രത്തില്‍ ENSO പ്രതിഭാസവും ഇന്ത്യന്‍ മഹാസമുദ്രത്തില്‍ ഇന്ത്യന്‍ ഓഷ്യന്‍ ഡൈപോള്‍ ( IOD ) പ്രതിഭാസവും ന്യൂട്രല്‍ സ്ഥിതിയില്‍ തുടരാന്‍ സാദ്ധ്യതയുണ്ട്. അതിശക്തമായ മഴയാണ് കേരളത്തില്‍ വരാനിരിക്കുന്നതെന്നതിനാല്‍ വലിയ മുന്നൊരുക്കങ്ങളാണ് സംസ്ഥാനം നടത്തുന്നതും. മഴക്കാല രോഗങ്ങളെ ഉള്‍പ്പെടെ നേരിടാന്‍ വലിയ സന്നാഹവും ആക്ഷന്‍ പ്ലാനും ആരോഗ്യ വകുപ്പ് നടത്തുന്നുണ്ട്.

കേന്ദ്ര കാലാവസ്ഥാ വകുപ്പും അന്താരാഷ്ട്ര ഏജന്‍സികളും ജൂണ്‍ മാസത്തിലും കേരളത്തില്‍ കൂടുതല്‍ മഴയെന്നാണ് പ്രവചിച്ചിരുന്നതെങ്കിലും അതുണ്ടായില്ല.കേരളത്തിനു അനുകൂലമായി ഈ കാലയളവില്‍ കൂടുതല്‍ ചക്രവാത ചുഴികളോ / ന്യുന മര്‍ദ്ദമോ രൂപപ്പെടാത്തത് തിരിച്ചടിയായി. എന്നാല്‍ ജൂലായ് മാസത്തെ പ്രവചനം സമ്മിശ്രിതമാണൈങ്കിലും കേരളത്തില്‍ സാധാരണയെക്കാള്‍ കൂടുതല്‍ മഴ ലഭിച്ചേക്കും.