മലപ്പുറം: സൗദി അറേബ്യയിലെ വിമാനത്താവളത്തിൽ മലയാളി ഫുട്ബോൾ താരം പിടിയിൽ. അബഹ വിമാനത്താവളത്തിൽ നിന്നാണ് താരത്തെ കസ്റ്റംസ് പിടികൂടിയത്. മദ്യക്കുപ്പിയിൽ ഒട്ടിക്കുന്ന സ്റ്റിക്കറുകളുടെ വൻ ശേഖരം ഇയാളിൽനിന്ന് പിടിച്ചെടുത്തതയാണ് വിവരം. (Malayali football player was arrested in Saudi)

പെരുന്നാളിനോടാനുബന്ധിച്ച് അബഹയിൽ ഇന്നും നാളെയും രണ്ടുപ്രവാസി സംഘടനകൾ സംഘടിപ്പിക്കുന്ന ഫുട്ബോൾ മത്സരത്തിൽ കളിക്കാൻ എത്തിയതായിരുന്നു താരം. അബഹയിലെ മലയാളി ടീമിന് വേണ്ടി കളിക്കാനായിരുന്നു താരം എത്തിയത്. നാട്ടിൽ നിന്ന് ഒരാൾ കൈമാറിയ സ്റ്റിക്കറുകൾ ആണ് പിടികൂടിയതെന്ന് വിവരമുണ്ട്. സംഭവത്തിൽ അന്വേഷണം പുരോഗമിക്കുകയാണ്.

ലഹരി കടത്ത് തടയാൻ സൗദി എയർപോർട്ടുകളിൽ പരിശോധന ശക്തമാക്കിയിട്ടുണ്ട്. മൂന്ന് സ്കാനറുകളിലെ പരിശോധനക്ക് ശേഷമാണ് ല​ഗേജുകൾ കടത്തിവിടുന്നത്. മദ്യനിരോധനം നിലനിൽക്കുന്ന സൗദിയിൽ മദ്യവുമായി ബന്ധപ്പെട്ട എന്ത് വസ്തു കൊണ്ടുവരുന്നതും കുറ്റകരമാണ്. ​

Read Also: നീറ്റ് പരീക്ഷയിൽ ക്രമക്കേട് കണ്ടെത്തിയതായി സമ്മതിച്ച് കേന്ദ്ര മന്ത്രി ധര്‍മ്മേന്ദ്രപ്രധാന്‍

Read Also:ഗംഗാ നദിയില്‍ ബോട്ട് മറിഞ്ഞ് ആറ് പേരെ കാണാതായി; തിരച്ചില്‍ തുടരുന്നു

Read Also:കുവൈത്ത് തീപിടുത്തം: ബിനോയ് തോമസിന് ലൈഫിൽ വീട് നൽകും; മകന് ജോലി ഉറപ്പാക്കുമെന്ന് മന്ത്രി