വടകര: ഷാഫി പറമ്പിലിന്റെ വിജയാഘോഷത്തില് പങ്കെടുക്കുന്നതില് വനിതാ ലീഗ് പ്രവര്ത്തകര്ക്ക് വിലക്ക്. റോഡ് ഷോയിലും പ്രകടനത്തിലും പങ്കെടുക്കുന്നതിലാണ് നിയന്ത്രണം ഏർപ്പെടുത്തിയിരിക്കുന്നത്. ഇത് മുസ്ലിം ലീഗ് പ്രാദേശിക നേതാവിന്റെ ശബ്ദ സന്ദേശം പുറത്തു വന്നിട്ടുണ്ട്.(Women’s League activists banned from Shafi Parambil’s victory road show)
കൂത്തുപറമ്പ് മണ്ഡലം മുസ്ലിംലീഗ് ജനറല് സെക്രട്ടറി ഷാഹുല് ഹമീദിന്റെ സന്ദേശമാണ് പ്രചരിക്കുന്നത്. റോഡ് ഷോയില് പങ്കെടുക്കുമ്പോള് അച്ചടക്കം പാലിക്കണമെന്നും മതപരമായ നിയന്ത്രണം ആവേശത്തിമിര്പ്പിന് അനുവദിക്കുന്നില്ലെന്നുമാണ് ശബ്ദസന്ദേശത്തിൽ പറയുന്നത്. വനിതാ ലീഗ് പ്രവര്ത്തകര് ഷാഫിക്ക് അഭിവാദ്യം അര്പ്പിച്ചാല് മതിയെന്നും ശബ്ദസന്ദേശത്തില് പറയുന്നു.
‘ഷാഫി പറമ്പിലിന് കൂത്തുപറമ്പ് നിയോജകമണ്ഡലം യുഡിഎഫ് കമ്മിറ്റി പാനൂരില് വെള്ളിയാഴ്ച സ്വീകരണം നല്കുന്നുണ്ട്. എന്നാല് സ്വീകരണത്തിന്റെ ഭാഗമായുള്ള റോഡ് ഷോയിലോ പ്രകടനത്തിലോ സ്ത്രീകള് പങ്കെടുക്കേണ്ടതില്ല. ആഘോഷപരമായ ആവേശത്തിമിര്പ്പിന് മതപരമായ നിയന്ത്രണം അനുവദിക്കുന്നില്ല. എന്നാല് ഷാഫി പറമ്പിലിന് അഭിവാദ്യം അര്പ്പിക്കാനുള്ള സൗകര്യമുണ്ടാകും’ ഷാഹുല് ഹമീദ് ശബ്ദസന്ദേശത്തില് പറയുന്നു.
അനുഭവങ്ങളുടെ പശ്ചാത്തലത്തിലാണ് നിര്ദേശമെന്നും സന്ദേശത്തിൽ പറയുന്നു. വടകരയിലെ വിജയാഹ്ലാദത്തില് വോട്ടെണ്ണല് ദിനം വനിത ലീഗ് പ്രവര്ത്തകര് നൃത്തം ചെയ്തിരുന്നു. പാനൂരില് ഇന്നാണ് ഷാഫി പറമ്പിലിന്റെ റോഡ് ഷോ നടക്കുന്നത്.
Read Also: ട്രോളിങ് നിരോധനം ഞായറാഴ്ച അര്ധരാത്രി മുതല്; ഇത്തവണ 52 ദിവസം; ഒരുക്കങ്ങൾ പൂർത്തിയായി
Read Also: 07.06.2024. 11 AM . ഇന്നത്തെ പ്രധാനപ്പെട്ട 10 വാർത്തകൾ
Read Also:എന്റെ പൊന്നേ… നീ എങ്ങോട്ടാണ്? ഈ മാസത്തെ ഏറ്റവും ഉയർന്ന നിരക്കിൽ; ഇന്നത്തെ വില ഇങ്ങനെ
