ട്രെയിൻ യാത്ര അവസാന മിനിസം ചിലപ്പോൾ ക്യാൻസൽ ചെയ്യേനി വരാറുണ്ട്. അല്പം പണം പോകുന്നത് നാം കാര്യമാക്കാറില്ല. എന്നാൽ അതിലൂട റെയിൽവേക്ക് ലഭിക്കുന്നത് കോടികൾ. 2019-20 ൽ 1724.44 കോടിയും 2020-21 ൽ 710.54 കോടിയും 2021-22 1569 കോടിയും 2022-23 വർഷത്തിൽ 2109 .74 കോടി രൂപയുമാണ് ലഭിച്ചത്. 2023-24 കാലയളവിൽ 1129 കോടി രൂപയാണ് ഈ ഇനത്തിൽ ലഭിച്ചത് . യാത്രക്കാർ റെയിൽവേ ടിക്കറ്റ് ക്യാൻസൽ ചെയ്തതിലൂടെ മാത്രം ഇന്ത്യൻ റെയിൽവേയ്ക്ക് കഴിഞ്ഞ നാല് വർഷത്തിനിടയിൽ കിട്ടിയത് 6112 കോടി രൂപയുടെ ലാഭം എന്ന് കണക്കുകൾ പറയുന്നു. 2019 മുതൽ 2023 വരെയുള്ള കണക്കുകളാണ് ഇത്. റെയിൽവേയുടെ വരുമാനത്തിന്റെ പത്ത് ശതമാനത്തിന് താഴെയാണ് ഈ ലാഭം എന്നാണ് ഉദ്യോഗസ്ഥർ പറയുന്നത്. കഴിഞ്ഞ പത്തുവർഷത്തിനിടെ യാത്രാനിരക്കിലും 85 ശതമാനം വർധനവുണ്ടായതായും റിപ്പോർട്ടിൽ പറയുന്നു. വിവരാവകാശ റിപ്പോർട്ടിലുണ്ട്. റായ്പൂർ സ്വദേശിയായ സാമൂഹിക പ്രവർത്തകനായ കുനാൾ ശുക്ല നൽകിയ വിവരാവകാശ അപേക്ഷയിലാണ് റെയിൽവേ ഈ റിപ്പോർട്ട് നൽകിയത്.
Read also: ഇടുക്കി കട്ടപ്പന ഇരട്ടക്കൊലപാതകം; പ്രതി വിഷ്ണു മാപ്പുസാക്ഷിയാകും
