ടൂത്ത് പേസ്റ്റ് ആണെന്ന് കരുതി എലിവിഷം ഉപയോഗിച്ച് പല്ല് തേച്ചതിനെ തുടര്ന്ന് നാല് കുട്ടികൾ ആശുപത്രിയിൽ. തമിഴ്നാട് കടലൂർ ജില്ലയിലെ വിരുദാചലത്തിന് സമീപമാണ് ദാരുണമായ സംഭവം ഉണ്ടായത്. വിരുദാചലം സ്വദേശിയായ മണികണ്ഠന്റെ മക്കളായ അനുഷ്ക , ബാലമിത്രൻ , സഹോദരിയുടെ മക്കളായ ലാവണ്യ , രശ്മിത എന്നിവരെയാണ് ചിദംബരത്തെ ആശുപത്രിയിൽ പ്രവേശിപ്പിച്ചത്.
രണ്ട് വയസിനും അഞ്ച് വയസിനും ഇടയിൽ പ്രായമുള്ള കുട്ടികളാണ് ഇവർ. കുട്ടികൾ രക്തം ഛർദിക്കുന്നത് കണ്ടതോടെയാണ് അച്ഛനമ്മമാര് വിവരമറിയുന്നത്. ഉടൻ തന്നെ അടുത്തുള്ള ആശുപത്രിയില് കുട്ടികളെ എത്തിക്കുകയായിരുന്നു. തുടർന്ന് ഇവിടെ നിന്ന് മെഡിക്കൽ കോളേജിലേക്ക് കുട്ടികളെ മാറ്റി. നിലവില് മെഡിക്കല് കോളേജില് തീവ്രപരിചരണ വിഭാഗത്തിൽ ചികിത്സയിലാണ് നാല് കുട്ടികളും എന്നാണ് പുറത്തു വരുന്ന റിപ്പോർട്ട്. അതേസമയം കുട്ടുകളുടെ ആരോഗ്യ നിലയിൽ പ്രശ്നങ്ങളില്ലെന്ന് ആശുപത്രി അധികൃതർ അറിയിച്ചു.
Read More: കലാശപ്പോരിൽ അടിതെറ്റി; മലേഷ്യ മാസ്റ്റേഴ്സ് ഫൈനലില് പി വി സിന്ധുവിന് തോല്വി
Read More: 14 കാരനെ മര്ദ്ദിച്ച കേസില് പിടിയിലായി; ജാമ്യത്തിലിറങ്ങിയ ബിജെപി നേതാവ് കുഴഞ്ഞുവീണ് മരിച്ചു
