തൃശ്ശൂര്: ചരിത്രത്തിലാദ്യം, തിരുവമ്പാടി ദേവസ്വം തൃശ്ശൂര് പൂരം നിര്ത്തിവെച്ചു. പോലീസുമായുള്ള തര്ക്കത്തെത്തുടര്ന്നായിരുന്നു നടപടി. പിന്നാലെ പൂരപ്പന്തലിലെ ലൈറ്റുകള് കെടുത്തി പ്രതിഷേധമറിയിച്ചു. വെടിക്കെട്ട് ആരംഭിക്കുന്നതിന് മണിക്കൂറുകള് മുന്നേതന്നെ പോലീസ് ആളുകളെ തടഞ്ഞതോടെ തര്ക്കമുണ്ടായി, രാത്രിപൂരം പകുതിയില്വെച്ച് അവസാനിപ്പിക്കുകയായിരുന്നു.
പഞ്ചവാദ്യക്കാരും പൂരപ്രേമികളും മടങ്ങി. ആനകളെ പന്തലില് നിര്ത്തി സംഘാടകരും മടങ്ങി. പൂരം തകര്ക്കാന് പോലീസ് ശ്രമിച്ചെന്നാണ് തിരുവമ്പാടി ദേവസ്വം ആരോപിക്കുന്നത്. സംഭവത്തില് കളക്ടറും തിരുവമ്പാടി സംഘാടകരും തമ്മില് രാത്രി വൈകിയും ചര്ച്ച നടന്നു. അതിനിടെ ബി.ജെ.പി. സ്ഥാനാര്ഥി സുരേഷ് ഗോപി തിരുവമ്പാടി ദേവസ്വം ഓഫീസിലെത്തി
