വീട്ടുമുറ്റത്ത് കളിച്ചുകൊണ്ടിരുന്ന ഏഴ് വയസ്സുകാരി പാമ്പ് കടിയേറ്റ് മരിച്ചു. പാലാ പൈകയിൽ അരുൺ ആര്യ ദമ്പതികളുടെ മകൾ ആത്മജയാണ് ദാരുണമായി മരിച്ചത്. ശനിയാഴ്ച വൈകുന്നേരം ആണ് സംഭവം. പൈക ഏഴാം വയലിൽ വാടകയ്ക്ക് താമസിക്കുകയാണ് അരുണും ഭാര്യ ആര്യയും ഏഴു വയസ്സുകാരി ആത്മജയും. വൈകുന്നേരം താമസിക്കുന്ന വീടിന്റെ മുറ്റത്ത് കളിച്ചുകൊണ്ടിരിക്കുകയായിരുന്നു കുട്ടി. ഈ സമയത്ത് പാമ്പുകടി ഏൽക്കുകയായിരുന്നു. കുഞ്ഞു ശാരീരിക അസ്വസ്ഥതകൾ പ്രകടിപ്പിച്ചതിനെ തുടർന്ന് പല ജനറൽ ആശുപത്രിയിൽ പ്രവേശിപ്പിച്ചെങ്കിലും താമസിയാതെ മരണം സംഭവിച്ചു. അണലിയാണ് കുഞ്ഞിനെ കടിച്ചത് എന്നാണ് പ്രാഥമിക നിഗമനം. ചൂടുകാലം ആയതിനാൽ ഇഴജന്തുക്കൾ കൂടുതലായി പുറത്തിറങ്ങുന്ന സമയം ആയതിനാൽ സൂക്ഷിക്കണം എന്ന് ആരോഗ്യവിദഗ്ധർ അറിയിച്ചു.
Read also; ഒമാനിൽ ബോട്ടപകടം; രണ്ടു മലയാളിക്കുട്ടികൾ മുങ്ങിമരിച്ചു; മരിച്ചത് കോഴിക്കോട് സ്വദേശികൾ
