ഇടുക്കിയിൽ യൂത്ത് കോൺഗ്രസ് പ്രവർത്തകന്‍റെ കാൽ തല്ലിയൊടിച്ചു. സിപിഎം നേതാവിനെതിരെ ഫേസ്ബുക്കിൽ കമന്‍റിതട്ടതായി ആരോപണത്തെ തുടർന്നാണ് സംഭവം എന്നാണു സംശയം. കുമളി മൂന്നാം മൈൽ സ്വദേശി ജോബിൻ ചാക്കോയെയാണ് ജീപ്പിൽ എത്തിയ സംഘം വളഞ്ഞിട്ട് ആക്രമിച്ചത്. സി പി എം പ്രവർത്തകരണ് ജോബിനെ ആക്രമിച്ചതെന്നാണ് ആരോപണം. സി പി എമ്മിനെതിരായ സമൂഹ മാധ്യമ പ്രതികരണത്തെ തുടർന്നായിരുന്നു ആക്രമണമെന്നാണ് ആരോപണം. ഫേസ്ബുക്കിൽ കമന്റ് ഇട്ടതിൽ ജോബിനെതിരെ സിപിഎം കുമളി ലോക്കൽ കമ്മിറ്റി പൊലീസിൽ ഇന്നലെ പരാതി നൽകിയിരുന്നു. ഈ വിഷയവുമായി ബന്ധപ്പെട്ട് നാളെ സ്റ്റേഷനിൽ ഹാജരാകാൻ ജോബിനോട് വണ്ടിപ്പെരിയാർ പോലീസ് നിർദ്ദേശം നൽകിയിരുന്നു. പിന്നാലെയായിരുന്നു ആക്രമണം.
രാത്രി എട്ടു മണിയോടെ ജോലി കഴിഞ്ഞു വീട്ടിലേക്ക് മടങ്ങവെ മൂന്നാം മൈൽ കുരിശുപള്ളിക്ക് സമീപമായിരുന്നു സംഭവം. ജീപ്പിൽ എത്തിയ സംഘം ഇരുമ്പ് ആണി തറച്ച തടി കഷണങ്ങൾ ഉപയോഗിച്ച് ജോബിന്റെ ഇടത്തേ കാൽ തല്ലിയൊടിച്ചു. കാലിൽ ആഴത്തിൽ മുറിവും കൈക്കും സാരമായ പരിക്കേറ്റിട്ടുണ്ട്. ഗുരുതരമായി പരിക്കേറ്റതിനാൽ ജോബിനെ കട്ടപ്പനയിലെ സ്വകാര്യ ആശുപത്രിയിലേക്ക് മാറ്റി.
Also read: നവകേരള സദസിനെ വിമർശിച്ച് സമൂഹമാധ്യമത്തിൽ പോസ്റ്റിട്ടു; വനം വകുപ്പ് ഉദ്യോഗസ്ഥനു സസ്‌പെൻഷൻ
