ഇടവഴികളിലൂടെ ഒറ്റയ്ക്ക് സഞ്ചരിക്കുന്ന പെൺകുട്ടികളെ കടന്നുപിടിക്കും; കൊച്ചിയിൽ രണ്ടു യുവാക്കൾ പിടിയിൽ
ഇടവഴികളിലൂടെ ഒറ്റയ്ക്ക് സഞ്ചരിക്കുന്ന പെൺകുട്ടികളെ കടന്നുപിടിക്കും; കൊച്ചിയിൽ രണ്ടു യുവാക്കൾ പിടിയിൽ
കൊച്ചി: എറണാകുളം നഗരത്തിലെ ഇടവഴികളിൽ സ്ത്രീകൾക്കും പെൺകുട്ടികൾക്കും നേരെ ലൈംഗികാതിക്രമം നടത്തിയിരുന്ന രണ്ടു യുവാക്കളെ പൊലീസ് അറസ്റ്റ് ചെയ്തു.
വടുതല അരൂക്കുറ്റി ഷെഫീക്ക് മൻസിലിൽ മുഹമ്മദ് അൻഷാദ് (19), പുല്ലേപടി സി.പി. ഉമ്മർ റോഡിൽ താമസിക്കുന്ന മുഹമ്മദ് റാസിക് (18) എന്നിവരാണ് പിടിയിലായത്.
കഴിഞ്ഞ ദിവസം അക്രമത്തിനിരയായ പെൺകുട്ടി നൽകിയ പരാതിയുടെ അടിസ്ഥാനത്തിൽ എറണാകുളം നോർത്ത് പൊലീസ് സ്റ്റേഷനിൽ രജിസ്റ്റർ ചെയ്ത കേസിലാണ് നടപടി.
നഗരത്തിലെ ഇടവഴികളിലൂടെ ഒറ്റയ്ക്ക് സഞ്ചരിക്കുന്ന പെൺകുട്ടികളെയാണ് പ്രതികൾ ലക്ഷ്യമിട്ടിരുന്നത്.
മോട്ടോർസൈക്കിളിൽ എത്തി കടന്നുപിടിച്ച് അതിക്രമം നടത്തി കടന്നുകളയുന്നതായിരുന്നു ഇവരുടെ പതിവ് രീതി.
നാണക്കേടും ഭയവും മൂലം പലരും പരാതി നൽകാതിരിയ്ക്കുന്നതാണ് പ്രതികൾ മുതലെടുത്തിരുന്നത്. എന്നാൽ കഴിഞ്ഞ ദിവസം അക്രമത്തിനിരയായ പെൺകുട്ടി പരാതി നൽകാൻ ധൈര്യപ്പെട്ടതോടെയാണ് പ്രതികൾ കുടുങ്ങിയത്.
പരാതിക്കാരി നൽകിയ സൂചനകളുടെ അടിസ്ഥാനത്തിൽ കലൂർ, കടവന്ത്ര, പാലാരിവട്ടം മേഖലകളിലായി 500ലധികം സിസിടിവി ക്യാമറ ദൃശ്യങ്ങൾ പരിശോധിച്ചാണ് പ്രതികളെ തിരിച്ചറിഞ്ഞത്.
എറണാകുളം നോർത്ത് ഇൻസ്പെക്ടർ ജിജിൻ ജോസഫിന്റെ മേൽനോട്ടത്തിൽ എസ്.ഐമാരായ പ്രമോദ്, അനീഷ് എന്നിവരുടെ നേതൃത്വത്തിലായിരുന്നു അന്വേഷണം. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
English Summary
Two youths accused of sexually harassing women and girls in the bylanes of Ernakulam city have been arrested by police. The accused allegedly targeted women walking alone, using a motorcycle to approach and assault them before fleeing. Acting on a complaint filed by a recent victim, police analysed footage from over 500 CCTV cameras across multiple areas and identified the suspects. Both accused have been remanded to judicial custody.
ernakulam-street-sexual-harassment-accused-arrested
Ernakulam, Sexual Harassment, Police Arrest, Women Safety, Kerala Crime
