വർക്കലയിൽ വന്ദേഭാരത് ഓട്ടോറിക്ഷയിൽ ഇടിച്ചു; ഡ്രൈവർ കസ്റ്റഡിയിൽ
വർക്കല: വർക്കല അകത്തുമുറി റെയിൽവേ സ്റ്റേഷനിൽ വന്ദേഭാരത് എക്സ്പ്രസ് ട്രെയിൻ ഓട്ടോറിക്ഷയിൽ ഇടിച്ചുണ്ടായ അപകടത്തിൽ ഡ്രൈവർ അത്ഭുതകരമായി രക്ഷപ്പെട്ടു.
ഞായറാഴ്ച രാത്രി പത്ത് മണിയോടെയായിരുന്നു സംഭവം. സിബി (28) ഓടിച്ചിരുന്ന ഓട്ടോറിക്ഷ പ്ലാറ്റ്ഫോം ഭാഗത്തൂടെ വരുന്നതിനിടെ നിയന്ത്രണം വിട്ട് റെയിൽവേ ട്രാക്കിലേക്ക് മറിയുകയായിരുന്നു.
ട്രാക്കിൽ വീണ ഓട്ടോറിക്ഷയിൽ ഇടിച്ചാണ് വന്ദേഭാരത് എക്സ്പ്രസ് അപകടത്തിൽപ്പെട്ടത്.
അപകടം നടന്ന ഉടൻ ഡ്രൈവർ സ്ഥലത്ത് നിന്ന് കടന്നുകളഞ്ഞെങ്കിലും, ആർപിഎഫ് നടത്തിയ അന്വേഷണത്തിൽ പിന്നീട് ഇയാളെ കണ്ടെത്തി കസ്റ്റഡിയിലെടുത്തു.
അപകടത്തെ തുടർന്ന് ട്രെയിൻ ഏകദേശം ഒരു മണിക്കൂർ വരെ നിർത്തിയിടേണ്ടിവന്നു.
ട്രാക്കിൽ നിന്ന് ഓട്ടോറിക്ഷ നീക്കം ചെയ്തതിന് ശേഷമാണ് ട്രെയിൻ വീണ്ടും യാത്ര പുനരാരംഭിച്ചത്.
രാത്രി 10.40ന് തിരുവനന്തപുരം സെൻട്രൽ സ്റ്റേഷനിൽ എത്തേണ്ടിയിരുന്ന വന്ദേഭാരത് എക്സ്പ്രസ് 11.50ഓടെയാണ് ലക്ഷ്യസ്ഥാനത്തെത്തിയത്. സംഭവത്തിൽ വിശദമായ അന്വേഷണം പുരോഗമിക്കുകയാണ്.
English Summary:
A Vande Bharat Express train hit an autorickshaw at Varkala Akathumuri railway station on Sunday night. The autorickshaw lost control and fell onto the track, leading to the collision. The driver escaped unhurt and fled the scene but was later taken into custody by the RPF. The train was halted for nearly an hour and resumed service after the vehicle was removed, reaching Thiruvananthapuram Central over an hour late.
varkala-vande-bharat-train-hits-autorickshaw
Vande Bharat Express, Varkala, Railway Accident, Kerala News, Train Accident, Road Safety
