വ്യാജ പുകപരിശോധനാ സർട്ടിഫിക്കറ്റുകൾ വ്യാപകമാകുന്നു; കർശന നടപടിയുമായി മോട്ടോർവാഹന വകുപ്പ്
തിരുവനന്തപുരം: സംസ്ഥാനത്ത് വ്യാജ പുകപരിശോധനാ സർട്ടിഫിക്കറ്റുകൾ വ്യാപകമാകുന്നതിനെതിരെ മോട്ടോർവാഹന വകുപ്പ് കർശന നടപടികൾ ആരംഭിച്ചു.
വ്യാജ സർട്ടിഫിക്കറ്റ് നേടിയതായി സ്ഥിരീകരിച്ച 50 വാഹനങ്ങളുടെ രജിസ്ട്രേഷൻ റദ്ദാക്കുന്നതിനുള്ള പ്രക്രിയയും ഇതിനോടകം ആരംഭിച്ചിരിക്കുകയാണ്. ബന്ധപ്പെട്ട ഉടമകൾക്ക് കാരണം കാണിക്കൽ നോട്ടീസും നൽകി.
കേരളത്തിൽ രജിസ്റ്റർ ചെയ്ത വാഹനങ്ങൾ ഉത്തർപ്രദേശ്, മഹാരാഷ്ട്ര, ഹരിയാണ, പശ്ചിമബംഗാൾ തുടങ്ങിയ സംസ്ഥാനങ്ങളിലെ പുകപരിശോധനാ കേന്ദ്രങ്ങളിൽ നിന്നാണ് വ്യാജ സർട്ടിഫിക്കറ്റുകൾ കൈപ്പറ്റിയതെന്ന് അന്വേഷണത്തിൽ വ്യക്തമായിട്ടുണ്ട്.
വാഹനങ്ങൾ പരിശോധനാ കേന്ദ്രങ്ങളിൽ എത്തിക്കാതെയും, മൊബൈലിൽ പകർത്തിയ ചിത്രം അയച്ച് പരിശോധന നടന്നതായി കാണിച്ച് രേഖകൾ സൃഷ്ടിക്കുകയായിരുന്നു പ്രധാന ക്രമക്കേട്.
വ്യാജ സോഫ്റ്റ്വെയർ ഉപയോഗിച്ച് പരിശോധനാ ഫലം ജനറേറ്റ് ചെയ്തുവെന്നതും, OTP നിർബന്ധമാക്കിയിട്ടും രേഖകളിൽ പഴയ മൊബൈൽ നമ്പർ തുടർന്നുപയോഗിച്ചതും തട്ടിപ്പിന് വഴിവച്ചതായി കണ്ടെത്തി.
സംസ്ഥാനത്തെ ചില പുകപരിശോധനാ കേന്ദ്രങ്ങൾ പോലും ഇടനിലക്കാരനായി പ്രവർത്തിച്ചതായി സൂചനയുണ്ട്.
വ്യാജ സർട്ടിഫിക്കറ്റ് നൽകുന്ന കേന്ദ്രങ്ങളുടെ രജിസ്ട്രേഷൻ റദ്ദാക്കാൻ കേന്ദ്ര ഉപരിതല ഗതാഗത മന്ത്രാലയത്തോട് നടപടി ആവശ്യപ്പെട്ടിട്ടുണ്ടെന്നും പുകപരിശോധനാ ക്രമക്കേടുകൾ സമൂലമായി ഇല്ലാതാക്കാൻ സംസ്ഥാനതലത്തിൽ ശക്തമായ നിരീക്ഷണ സംവിധാനം ഉടൻ നടപ്പിലാക്കുമെന്നും മോട്ടോർവാഹന വകുപ്പ് വ്യക്തമാക്കി.
English Summary
Kerala’s Motor Vehicles Department has launched strict action against widespread fake pollution-check certificates. Registration cancellation procedures have begun for 50 vehicles that received fraudulent certificates, with show-cause notices issued to owners. The fraud was traced mainly to emission testing centers in Uttar Pradesh, Maharashtra, Haryana, and West Bengal, where certificates were generated using fake software without physically checking vehicles—often using only a photo sent via mobile. Some centers in Kerala also acted as intermediaries. The department has requested the Union Ministry to cancel the registration of these fraudulent centers and is preparing a statewide monitoring system to prevent further malpractice.
fake-pollution-certificate-crackdown-kerala
Kerala, Motor Vehicles Department, Pollution Certificate Fraud, Vehicle Registration, Fake Certificates, Transport Department, Emission Test, Enforcement
