യുഎസ് വിസ കിട്ടിയില്ല; വനിതാ ഡോക്ടർ ഫ്ലാറ്റിൽ മരിച്ച നിലയിൽ, ആത്മഹത്യാക്കുറിപ്പും കണ്ടെടുത്തു
ഹൈദരാബാദ്: ഹൈദരാബാദിലെ ഒരു ഫ്ലാറ്റിൽ 38 വയസ്സുകാരിയായ വനിതാ ഡോക്ടർ രോഹിണിയെ മരണപ്പെട്ട നിലയിൽ കണ്ടെത്തി.
ഗുണ്ടൂർ സ്വദേശിനിയായ രോഹിണി യുഎസ് വിസ നിഷേധിക്കപ്പെട്ടതിനെ തുടർന്ന് കടുത്ത നിരാശയും വിഷാദവും അനുഭവിച്ചിരുന്നതായി കണ്ടെത്തിയ ആത്മഹത്യാക്കുറിപ്പിൽ വ്യക്തമാക്കുന്നു.
ഹൈദരാബാദിലെ പദ്മറാവു നഗരിലെ ഫ്ലാറ്റിലായിരുന്നു രോഹിണിയുടെ താമസം. ഒറ്റയ്ക്കായിരുന്നു താമസം.
പല തവണ വിളിച്ചിട്ടും വാതിൽ തുറക്കാത്തതിനെ തുടർന്ന് വീട്ടുജോലിക്കാരി കുടുംബത്തെ വിവരം അറിയിച്ചു.
തുടർന്ന് കുടുംബാംഗങ്ങൾ വാതിൽ പൊളിച്ച് അകത്ത് കടന്നപ്പോഴാണ് രോഹിണിയെ മരിച്ച നിലയിൽ കണ്ടെത്തിയത്.
വെള്ളിയാഴ്ച രാത്രി അമിത അളവിൽ ഉറക്കഗുളികകൾ കഴിച്ചതോ സ്വയം മരുന്ന് കുത്തിവെച്ചതോ ആയിരിക്കാമെന്ന് പോലീസ് പ്രാഥമികമായി സംശയിക്കുന്നു.
കൃത്യമായ മരണകാരണം പോസ്റ്റ്മോർട്ടം റിപ്പോർട്ടിനുശേഷം മാത്രമേ വ്യക്തമാകുവെന്ന് ഉദ്യോഗസ്ഥർ അറിയിച്ചു.
യുഎസിൽ ജോലി ചെയ്യുക എന്നത് രോഹിണിയുടെ വലിയ സ്വപ്നമായിരുന്നുവെന്നും വിസ നിഷേധിച്ചതോടെ കടുത്ത മനോവിഷമത്തിലായിരുന്നുവെന്നും അമ്മ ലക്ഷ്മി പറഞ്ഞു.
ഇന്റേണൽ മെഡിസിനിൽ സ്പെഷ്യലൈസ് ചെയ്യാൻ ആഗ്രഹിച്ചിരുന്ന രോഹിണി, യുഎസിൽ ജോലിയുമായി ബന്ധപ്പെട്ട അവസരങ്ങൾക്കായി കാത്തിരിക്കുന്നു വേളയിലാണ് മാനസിക പിരിമുറുക്കം വർധിച്ചതെന്ന് കുടുംബം പറഞ്ഞു.
സംഭവത്തിൽ ചിൽകൽഗുഡ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
English Summary
A 38-year-old female doctor, Rohini from Guntur, was found dead in her Hyderabad flat. She had reportedly been depressed after her US visa application was rejected. A suicide note recovered from the spot mentioned her distress over the denial of the visa, which she believed would impact her dream of working in the United States and specializing in internal medicine.
Rohini was living alone in Padma Rao Nagar. When she did not respond to repeated knocks, her family broke open the door and found her dead. Police suspect she may have consumed an overdose of sleeping pills or administered an injection, though the exact cause of death will be confirmed after the post-mortem. The Chilkalaguda police have registered a case and begun investigations.
doctor-suicide-hyderabad-us-visa-rejection
Hyderabad, Doctor Suicide, US Visa Rejection, Guntur, Padma Rao Nagar, Mental Health, Telangana Police, Internal Medicine
