20 കോടി ലഡ്ഡു വ്യാജ നെയ്യ് ഉപയോഗിച്ചാണ് തയ്യാറാക്കിയതെന്ന് സ്ഥിരീകരണം
ലോകപ്രശസ്തമായ തിരുപ്പതി ശ്രീ വെങ്കിടേശ്വര ക്ഷേത്രത്തിലെ ലഡ്ഡു പ്രസാദ നിർമ്മാണത്തിൽ വൻതോതിൽ മായം ചേർത്തതായി പുറത്തുവന്ന റിപ്പോർട്ട് വലിയ വിവാദത്തിന് വഴിവച്ചു.
2019 മുതൽ 2024 വരെ വിതരണം ചെയ്ത ലഡ്ഡുക്കളിൽ ഏകദേശം 20 കോടി ലഡ്ഡു വ്യാജ നെയ്യ് ഉപയോഗിച്ചാണ് തയ്യാറാക്കിയതെന്ന് തിരുമല തിരുപ്പതി ദേവസ്ഥാനം (TTD) ട്രസ്റ്റ് ബോർഡ് ചെയർമാൻ ബി.ആർ. നായിഡു സ്ഥിരീകരിച്ചു.
ഇതിനിടെ വിതരണം ചെയ്ത 48.76 കോടി ലഡ്ഡുക്കളിൽ, 68 ലക്ഷം കിലോഗ്രാം വ്യാജ നെയ്യാണ് ഉപയോഗിച്ചതെന്ന് SIT അന്വേഷണത്തിൽ കണ്ടെത്തിയിട്ടുണ്ട്.
പാം ഓയിൽ, പാം കേർണൽ ഓയിൽ, മറ്റ് ആരോഗ്യത്തിന് ഹാനികരമായ ഘടകങ്ങൾ എന്നിവ കലർന്ന ഈ വ്യാജ നെയ്യിന്റെ വില ഏകദേശം 250 കോടി രൂപയാകും. ഉത്തരാഖണ്ഡിലെ ‘ഭോലെ ബാബ ഡയറി’യാണ് പ്രധാനമായും നെയ്യ് വിതരണത്തിന് പിന്നിൽ.
ഭക്തരുടെ വിശ്വാസത്തെ ഗുരുതരമായി ബാധിക്കുന്ന ഈ തട്ടിപ്പ് കേസിൽ സിബിഐയുടെ നേതൃത്വത്തിലുള്ള പ്രത്യേക അന്വേഷണ സംഘം അന്വേഷണം തുടരുകയാണ്.
കേസുമായി ബന്ധപ്പെട്ട് മുൻ TTD ചെയർമാനും എംപിയുമായ വൈ.വി. സുബ്ബ റെഡ്ഡിയെ എട്ട് മണിക്കൂറിലധികം ചോദ്യം ചെയ്തു. നെയ്യിൽ മായം കണ്ടെത്തിയ ലബോറട്ടറി റിപ്പോർട്ട് തനിക്ക് ലഭിച്ചിട്ടില്ലെന്നാണ് സുബ്ബ റെഡ്ഡിയുടെ മൊഴി.
അദ്ദേഹത്തിന്റെ മുൻ അസിസ്റ്റന്റായ ചിന്ന അപ്പണ്ണയെ ഇതിനകം അറസ്റ്റ് ചെയ്തു. മുൻ TTD എക്സിക്യൂട്ടീവ് ഓഫീസർ എ.വി. ധർമ്മ റെഡ്ഡിയെയും SIT ചോദ്യം ചെയ്തിട്ടുണ്ട്.
English Summary
A major adulteration scam has been exposed in the production of the famous Tirupati laddu prasadam. Authorities confirmed that between 2019 and 2024, around 20 crore of the 48.76 crore laddus distributed were made using adulterated ghee. The SIT investigation found that 68 lakh kg of fake ghee—worth around ₹250 crore—was used. This ghee contained palm oil, palm kernel oil, and other harmful substances. The adulterated ghee was primarily supplied by Bhole Baba Dairy in Uttarakhand. Former TTD Chairman and MP Y.V. Subba Reddy was questioned for over eight hours regarding the case. He claimed he never received the lab report that confirmed the adulteration. His former assistant Chinna Appanna has been arrested, and former TTD Executive Officer A.V. Dharma Reddy has also been interrogated. The CBI-led SIT continues to probe the case, which has deeply hurt devotees’ religious sentiments.
