2 പൊലീസ് ഉദ്യോഗസ്ഥര്ക്ക് സസ്പെന്ഷൻ
കോഴിക്കോട്: ബേപ്പൂരിലെ ലോഡ്ജിൽ നടന്ന കൊലപാതകത്തിൽ രണ്ട് പൊലീസ് ഉദ്യോഗസ്ഥരെ സസ്പെൻഡ് ചെയ്തു. ബേപ്പൂര് സ്റ്റേഷനിലെ ഗ്രേഡ് എഎസ്ഐ, സിപിഒ എന്നിവരെയാണ് സസ്പെൻഡ് ചെയ്തത്.
കൊലപാതകം നടന്നത് അറിയിച്ചിട്ടും സ്ഥലത്തെത്താതിരുന്നതിനാണ് ഇവർക്കെതിരെ നടപടി സ്വീകരിച്ചത്. മെയ് 24 നായിരുന്നു ബേപ്പൂര് ത്രീസ്റ്റാര് ലോഡ്ജില് കൊലപാതകം നടന്നത്.
കൊല്ലം സ്വദേശി സോളമനാണ് കൊല്ലപ്പെട്ടത്. ബേപ്പൂര് ഹാര്ബറിന് സമീപത്തുള്ള ത്രീസ്റ്റാര് ലോഡ്ജില് അനീഷ് എന്നയാള് എടുത്ത വാടകമുറിയില് മൂന്നുദിവസത്തേക്ക് അതിഥിയായി താമസിച്ചുവന്ന കൊല്ലം വാടിക്കല് മുദാക്കര ജോസ് (35) എന്നയാളാണ് കൊലചെയ്തതെന്ന് പിന്നീട് പോലീസ് കണ്ടെത്തിയിരുന്നു.
സ്പെഷ്യല് സ്ക്വാഡ് തിരുവനന്തപുരം, കൊല്ലം ഭാഗങ്ങളില് അന്വേഷണം നടത്തി ഇയാളെ പിടികൂടുകയും ചെയ്തു.
കൊലപാതകം നടന്ന ദിവസം സംഭവസ്ഥലത്തിന് 50 മീറ്റര് ദൂരത്ത് പോലീസ് ജീപ്പ് ഉണ്ടായിരുന്നു. ലോഡ്ജിനടുത്തുള്ള മരം കടപുഴകി വീണതിനെത്തുടര്ന്നാണ് പോലീസ് സ്ഥലത്തെത്തിയത്.
ഈ സമയം ലോഡ്ജിന് സമീപത്തുണ്ടായിരുന്ന ഇതരസംസ്ഥാന തൊഴിലാളി ലോഡ്ജിന്റെ ചവിട്ടുപടിയില് രക്തം കണ്ടെന്നും മുറിയില് നിന്ന് ബഹളം കേട്ടെന്നും ജീപ്പിലുണ്ടായിരുന്ന പോലീസുകാരോട് വന്ന് പറഞ്ഞു.
എന്നാല്, ഇയാളെ ജീപ്പിലുണ്ടായിരുന്ന രണ്ട് പോലീസുകാര് ചീത്തപറഞ്ഞ് ഓടിച്ചെന്നാണ് രഹസ്യാന്വേഷണവിഭാഗത്തിന്റെ റിപ്പോര്ട്ടിൽ പറയുന്നത്. കൂടാതെ ‘മരം വീണത് നോക്കാനാണ് എത്തിയതെന്നും നീ നിന്റെ പണി നോക്കി പോയ്ക്കോ’ എന്നും പറഞ്ഞ് അങ്ങോട്ടു പോയില്ലെന്നും ആക്ഷേപമുണ്ട്.
തുടർന്ന് ഇതരസംസ്ഥാന തൊഴിലാളി ഉടന് ബേപ്പൂര് പോലീസ് സ്റ്റേഷനില് നേരിട്ടെത്തി അവിടെ പാറാവിന്റെ ചുമതലക്കാരനായ പോലീസുകാരനെയും വിവരം അറിയിച്ചു.
എന്നാല്, അയാളും അവിടേക്ക് വന്നില്ലെന്നാണ് ആക്ഷേപം. ഇതോടെയാണ് വിഷയത്തിൽ ഉന്നത പോലീസ് ഉദ്യോഗസ്ഥര് ഇടപെട്ട് അന്വേഷണം ആരംഭിച്ചത്.
ആയുധശേഖരം നവീകരിക്കാന് കേരള പൊലീസ്
കൊച്ചി: നൂതന തോക്കുകളും ഉപകരണങ്ങളും ഉള്പ്പെടുത്തി ആയുധശേഖരം നവീകരിക്കാന് ഒരുങ്ങി കേരള പൊലീസ്.
നിയമ നിര്വ്വഹണ ശേഷി മെച്ചപ്പെടുത്താന് ലക്ഷ്യമിട്ടാണ് ഇത്.
2025-26 നവീകരണ പദ്ധതിയുടെ ഭാഗമായി 530 പുതിയ ആയുധങ്ങളും മൂന്ന് ലക്ഷത്തിലധികം വെടിയുണ്ടകളും വാങ്ങാനാണ് തീരുമാനം.
100 ഇന്സാസ് റൈഫിളുകള്, 100 എകെ-203 റൈഫിളുകള്, 100 ഹെക്ലര് & കോച്ച് സബ് മെഷീന് തോക്കുകള്,
30 ഹൈ-പ്രിസിഷന് സ്നൈപ്പര് റൈഫിളുകള്, 200 പിസ്റ്റളുകള് എന്നിവ വാങ്ങി സേനയുടെ നിയമ നിര്വഹണ ശേഷി മെച്ചപ്പെടുത്താനാണ് പദ്ധതി.
സ്നൈപ്പര് റൈഫിളുകളില് ദീര്ഘദൂര കൃത്യതയ്ക്ക് പേരുകേട്ടതും ഉന്നത സേനകള് വ്യാപകമായി ഉപയോഗിക്കുന്നതുമായ
ഇന്ത്യന് നിര്മ്മിത സാബര് 338, ജര്മ്മന് നിര്മ്മിത ഹെക്ലര് & കോച്ച് പിഎസ്ജി1 എന്നിവ പരിഗണനയിലുണ്ട്.
200 ഗ്ലോക്ക് അല്ലെങ്കില് മസാദ പിസ്റ്റളുകള് വാങ്ങുന്നതും പരിഗണനയിലുണ്ട്.
ഈ സാമ്പത്തിക വര്ഷം ആയുധങ്ങള് വാങ്ങുന്നതിനായി 7.75 കോടി രൂപയുടെ ഫണ്ട് നീക്കിവച്ചിട്ടുണ്ടെന്ന് ഒരു മുതിര്ന്ന പൊലീസ് ഉദ്യോഗസ്ഥന് പ്രതികരിച്ചു.
‘ഞങ്ങളുടെ ആധുനികവല്ക്കരണ പദ്ധതിയിലെ പ്രധാന ശ്രദ്ധാകേന്ദ്രങ്ങളിലൊന്ന്
ഞങ്ങളുടെ സ്പെഷ്യലൈസ്ഡ് യൂണിറ്റുകള്ക്കായി പുതുതലമുറ ആയുധങ്ങള് വാങ്ങുക എന്നതാണ്.
കമാന്ഡോ യൂണിറ്റുകള്ക്കും സ്പെഷ്യല് ഓപ്പറേഷന് ഗ്രൂപ്പുകള്ക്കും (SOG) മുന്ഗണന നല്കും.
100 AK-203 റൈഫിളുകള്ക്കുള്ള ടെന്ഡര് ഇതിനകം ക്ഷണിച്ചിട്ടുണ്ട്.
നമ്മുടെ സേനയുടെ ആയുധങ്ങള് ഉപയോഗിക്കാനുള്ള ശേഷിയും തന്ത്രപരമായ കഴിവുകളും ശക്തിപ്പെടുത്തുക എന്നതാണ് ലക്ഷ്യമെന്നും ഓഫീസര് പറഞ്ഞു.
Summary: Two police officers have been suspended in connection with the murder that took place at a lodge in Beypore. The suspended personnel include a Grade ASI and a CPO from the Beypore police station.
