കൊച്ചി: സംസ്ഥാനത്ത് സ്വര്ണവില വീണ്ടും വർധിച്ചു. പവന് 80 രൂപയാണ് ഇന്ന് കൂടിയത്. ഇതോടെ ഒരു പവൻ സ്വർണത്തിന്റെ ഇന്നത്തെ വില 72,720 രൂപയിലെത്തി.
ഗ്രാമിന് 10 രൂപയാണ് കൂടിയത്. 9090 രൂപയാണ് ഒരു ഗ്രാം സ്വര്ണത്തിന്റെ വില. തിങ്കളാഴ്ച രണ്ടു തവണകളായി 1120 വര്ധിച്ചതോടെയാണ് ഒരിടവേളക്ക് ശേഷം സ്വര്ണവില വീണ്ടും 72,000ന് മുകളിലേക്ക് ഉയരുകയായിരുന്നു.
ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയിലും പ്രതിഫലിക്കും. അതേസമയം, രാജ്യാന്തര വിപണിയില് സ്വര്ണത്തിന് വില കുറഞ്ഞാല് ഇന്ത്യയില് വില കുറയണമെന്നില്ല.
രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങളാണ് ഇന്ത്യയിലെ സ്വര്ണവില നിശ്ചയിക്കുന്നതില് പ്രധാന പങ്കുവഹിക്കുന്നത്.
ലൈംഗികാതിക്രമ കേസ്; ബാലചന്ദ്ര മേനോനെതിരെ തെളിവില്ലെന്ന് റിപ്പോർട്ട്
കൊച്ചി: ലൈംഗികാതിക്രമ കേസില് നടനും സംവിധായകനുമായ ബാലചന്ദ്രമേനോനെതിരെ തെളിവില്ലെന്ന് പൊലീസ് റിപ്പോര്ട്ട്. ആലുവ സ്വദേശിയായ നടി നല്കിയ പരാതിയിലാണ് പോലീസിന്റെ റിപ്പോര്ട്ട് പുറത്തു വന്നത്.
ആറ് മാസം മുന്പാണ് ആലുവ സ്വദേശിനിയായ നടി ബാലചന്ദ്ര മേനോനെതിരെ പരാതി നല്കിയത്. ബാലചന്ദ്രമേനോൻ സംവിധാനം ചെയ്ത ഒരു സിനിമാ സെറ്റില് വച്ച് തന്നോട് മോശമായി പെരുമാറിയെന്ന് ചൂണ്ടിക്കാണിച്ചാണ് നടി പ്രത്യേക അന്വേഷണ സംഘത്തിന് മുന്നില് പരാതി നല്കിയത്.
പരാതിയിന്മേല് പ്രത്യേക അന്വേഷണ സംഘം വിശദമായ അന്വേഷണം നടത്തിരുന്നു. പിന്നാലെ, നടിയുടെ മൊഴി രേഖപ്പെടുത്തുകയും കേസെടുക്കുകയും ചെയ്തു. എന്നാൽ അതിനപ്പുറത്തേക്ക് കൂടുതല് തെളിവുകള് കണ്ടെത്താനായിട്ടില്ല എന്നാണ് ലഭിക്കുന്ന വിവരം.
കന്റോണ്മെന്റ് പൊലീസാണ് കേസ് രജിസ്റ്റര് ചെയ്തത്. പിന്നീട് പ്രത്യേക അന്വേഷണ സംഘത്തിന് കൈമാറുകയായിരുന്നു.
