തിരുവനന്തപുരം: മദ്യ ലഹരിയിൽ മകൻ അമ്മയെ പീഡിപ്പിക്കാൻ ശ്രമിച്ചതായി കേസ്. തിരുവനന്തപുരം പള്ളിക്കൽ പകൽക്കുറിയിലാണ്‌ സംഭവം. 85 വയസ് പ്രായമുള്ള അമ്മയെയാണ് മകൻ പീഡിപ്പിക്കാൻ ശ്രമിച്ചത്.
പകൽക്കുറി ആശാൻവിള സ്വദേശിക്കെതിരെയാണ് പോലീസ് കേസെടുത്തത്. വീട്ടിൽ ആരും ഇല്ലാത്ത സമയത്ത് മദ്യ ലഹരിയിൽ എത്തിയ പ്രതി അതിക്രമം നടത്തുകയായിരുന്നു. ഇതിനിടെ പരിക്കേറ്റ മാതാവിനെ പാരിപള്ളി മെഡിക്കൽ കോളജിൽ പ്രവേശിപ്പിച്ചു. ഇന്നലെ വൈകുന്നേരം 7 മണിയോടെയായിരുന്നു സംഭവം.
സംഭവ സമയത്ത് പ്രതിയുടെ സഹോദരൻ്റെ മകൾ വീട്ടിൽ എത്തിയതോടെ പ്രതി ഓടി രക്ഷപ്പെടാൻ ശ്രമിച്ചു. എന്നാൽ നിലത്തുവീണ ഇയാൾക്കും പരിക്കേറ്റിട്ടുണ്ട്. തുടർന്ന് പള്ളിക്കൽ പോലീസ് എത്തി പ്രതിയെ കസ്റ്റഡിയിൽ എടുക്കുകയായിരുന്നു. പരിക്കേറ്റതിനാൽ പ്രതിയേയും പോലീസ് പാരിപ്പള്ളി മെഡിക്കൽ കോളജിൽ പ്രവേശിപ്പിച്ചിരിക്കുകയാണ്.
മാസങ്ങൾക്ക് മുമ്പ് സ്ട്രോക്ക് വന്ന വൃദ്ധ മാതാവിന് സംസാരശേഷി ഭാഗികമായി നഷ്ടപ്പെട്ടിരുന്നു. സംഭവത്തിൽ പള്ളിക്കൽ പോലീസ് ആണ് കേസ് രജിസ്റ്റർ ചെയ്തിരിക്കുന്നത്.
