എഐ ചാറ്റ്ബോട്ടിന്റെ ഉപദേശം അനുസരിച്ച് ഭക്ഷണത്തിൽ നിന്ന് ഉപ്പ് ഒഴിവാക്കിയ 60 വയസ്സുകാരനു കിട്ടിയത് എട്ടിന്റെ പണി. ആരോഗ്യപ്രശ്നങ്ങളെ തുടർന്ന് ഇദ്ദേഹത്തെ ആശുപത്രിയിൽ പ്രവേശിപ്പിച്ചു.
ആളുടെ പേരോ എവിടെയാണ് സംഭവം നടന്നതെന്നോ റിപ്പോർട്ടിൽ പരാമർശിച്ചിട്ടില്ല. ഉപ്പിന്റെ ദോഷഫലങ്ങളെക്കുറിച്ച് വായിച്ച ശേഷം ഈ വ്യക്തി ഭക്ഷണത്തിൽ നിന്ന് ഉപ്പ് പൂർണമായും ഒഴിവാക്കുകയായിരുന്നു.
അമേരിക്കൻ കോളേജ് ഓഫ് ഫിസിഷ്യൻസ് ജേണലിൽ പ്രസിദ്ധീകരിച്ച കേസ് റിപ്പോർട്ടിൽ ആണ് ഇക്കാര്യം പറയുന്നത്.
ചാറ്റ് ജിപിടിയുടെ ഉപദേശപ്രകാരം, ക്ലോറൈഡിന് പകരം ബ്രോമൈഡ് ഉപയോഗിക്കാമെന്ന് തെറ്റിദ്ധരിച്ചാണ് മാറ്റം വരുത്തിയത്.
ഉപ്പിന്പകരം സോഡിയം ബ്രോമൈഡ് എന്ന രാസവസ്തുവാണ് ഇദ്ദേഹം പിന്നീട് ഉപയോഗിച്ചിരുന്നത്. മൂന്ന് മാസത്തോളം ഓൺലൈനായി വാങ്ങിയ സോഡിയം ബ്രോമൈഡ് ഉപയോഗിച്ച ഇയാൾക്ക് ശാരീരിക ബുദ്ധിമുട്ടുകൾ ഉണ്ടായതിനെ തുടർന്ന് ആശുപത്രിയിൽ പ്രവേശിപ്പിക്കുകയായിരുന്നു.
അയൽവാസി തന്നെ വിഷം ഉപയോഗിച്ച് കൊല്ലാൻ ശ്രമിച്ചതാണെന്നായിരുന്നു ഇയാളുടെ ആരോപണം.
പിന്നീട് പരിശോധനയിൽ ഇദ്ദേഹം സോഡിയം ബ്രോമൈഡ് ഉപയോഗിച്ചിരുന്നതായി കണ്ടെത്തി. 1900-കളുടെ തുടക്കത്തിൽ മരുന്നുകളിൽ ഉപയോഗിച്ചിരുന്ന ഈ വസ്തു വലിയ അളവിൽ ഭക്ഷിക്കുന്നത് അനാരോഗ്യകരമാണ്.
ദാഹം ഉണ്ടായിരുന്നെങ്കിലും വെള്ളം കുടിക്കാൻ ഭയം കാണിച്ചിരുന്നു. കടുത്ത മാനസിക പ്രശ്നങ്ങൾ, ചർമ്മരോഗങ്ങൾ തുടങ്ങി പല അസുഖങ്ങളുടെ ലക്ഷണങ്ങളും ഇയാൾ കാണിച്ചിരുന്നു.
ദ്രാവകങ്ങളും ഇലക്ട്രോലൈറ്റുകളും നൽകി ചികിത്സിച്ചതിനെ തുടർന്ന് രോഗി പഴയ അവസ്ഥയിലെത്തി.
പിന്നീട് മാനസികാരോഗ്യ കേന്ദ്രത്തിലേക്ക് ഇദ്ദേഹത്തെ മാറ്റി. എന്നാൽ ചാറ്റ്ജിപിടി ശുചീകരണ ആവശ്യങ്ങൾക്കായിരിക്കാം ഈ ഉപദേശം നൽകിയതെന്ന് റിപ്പോർട്ട് ചൂണ്ടിക്കാട്ടുന്നു.
ഈ ലളിതമായ രക്തപരിശോധന ഒഴിവാക്കല്ലേ….ഹൃദയാഘാത സാധ്യത വര്ഷങ്ങള് നേരത്തെ കണ്ടെത്താം…!
ഹൃദയാഘാതം ഇന്ന് ലോകമെമ്പാടും വർധിച്ചുവരുന്ന ഒരു ഗുരുതരമായ ആരോഗ്യപ്രശ്നമാണ്. നിർഭാഗ്യവശാൽ, മരണകാരണങ്ങളിൽ 50% ഹൃദയാഘാതം മൂലമാണെന്ന് പഠനങ്ങൾ പറയുന്നു.
പ്രായമായവരിലാണ് സാധാരണയായി ഹൃദയാഘാത സാധ്യത കൂടുതൽ കാണുന്നതെങ്കിലും, ജീവിതശൈലിയിലെ മാറ്റങ്ങൾ കാരണം ഇന്ന് ചെറുപ്പക്കാരിലും കുട്ടികളിലും പോലും ഇത് കണ്ടുവരുന്നു.
ചിലപ്പോള് വര്ഷങ്ങള് നേരത്തെ നിങ്ങളുടെ ഹൃദയാഘാത സാധ്യത കണ്ടെത്താന് ലളിതമായ ഒരു രക്തപരിശോധനയിലൂടെ സാധിക്കും.
സിആര്പി പരിശോധനയാണ് ഇക്കാര്യത്തില് നമ്മെ സഹായിക്കുന്നത്. രക്തത്തിലെ സി- റിയാക്ടീവ് പ്രോട്ടീനുകളുടെ സാന്നിധ്യം അളക്കുന്ന പരിശോധനയാണിത്.
രാവിലെ വെറുംവയറ്റിൽ ഉണക്കമുന്തിരി കഴിക്കാറുണ്ടോ ? ഈ 8 കാര്യങ്ങൾ അറിയാതെ പോകരുത്…!
എച്ച്ടി ലൈഫ്സ്റ്റൈലിന് നല്കിയ അഭിമുഖത്തില് മണിപ്പാല് ആശുപത്രിയിലെ കാര്ഡിയോളജി കണ്സള്ട്ടന്റും വകുപ്പ് അധ്യക്ഷനുമായ ഡോ. കേശവ് ആര് ആണ് ഇക്കാര്യം പറയുന്നത്.
എന്താണ് സി-റിയാക്ടീവ് പ്രോട്ടീൻ?
സി-റിയാക്ടീവ് പ്രോട്ടീൻ കരൾ ഉൽപ്പാദിപ്പിക്കുന്ന ഒരു വസ്തുവാണ്, ഇത് വീക്കം പ്രതികരണമായി വർദ്ധിക്കുന്നു. രക്തപരിശോധനയിലൂടെയാണ് സിആർപി അളവ് അളക്കുന്നത്.
ഉയർന്ന സെൻസിറ്റിവിറ്റി സിആർപി (എച്ച്എസ്-സിആർപി) ടെസ്റ്റുകൾ ഹൃദയസംബന്ധമായ അപകടസാധ്യതയെ സൂചിപ്പിക്കുന്ന കുറഞ്ഞ അളവിലുള്ള വീക്കം വിലയിരുത്തുന്നതിന് ഗുണം ചെയ്യും.
ഉയർന്ന CRP ലെവലുകൾ ഓട്ടോഇമ്മ്യൂൺ ഡിസോർഡേഴ്സ്, വിട്ടുമാറാത്ത രോഗങ്ങൾ, അണുബാധകൾ, ആർത്രൈറ്റിസ് പോലുള്ള വീക്കം പോലുള്ള അവസ്ഥകൾ എന്നിവയെ സൂചിപ്പിക്കാം.
കൂടാതെ, ഉയർന്ന CRP ലെവലുകൾ ഹൃദയാഘാതം ഉൾപ്പെടെയുള്ള ഹൃദയ സംബന്ധമായ പ്രശ്നങ്ങൾക്കുള്ള സാധ്യത വർദ്ധിപ്പിക്കുന്നു.
നിങ്ങളുടെ കരൾ ഉത്പാദിപ്പിക്കുന്ന സി-റിയാക്ടീവ് പ്രോട്ടീന്റെ അളവ് അളക്കാൻ സിആർപി (സി-റിയാക്ടീവ് പ്രോട്ടീൻ) പരിശോധന ഉപയോഗിക്കുന്നു. ഇത് കൂടുതൽ ഉപയോഗിക്കപ്പെടുന്നത്:
അണുബാധ മൂലമുള്ള വീക്കം പരിശോധിക്കുക.
നിങ്ങളുടെ ഹൃദ്രോഗ സാധ്യത നിർണ്ണയിക്കുക.
രണ്ടാമത്തെ ഹൃദയാഘാതത്തിനുള്ള നിങ്ങളുടെ സാധ്യത വിലയിരുത്തുക.
റൂമറ്റോയ്ഡ് ആർത്രൈറ്റിസ് അല്ലെങ്കിൽ ല്യൂപ്പസ് പോലുള്ള വിട്ടുമാറാത്ത കോശജ്വലന രോഗങ്ങൾ നിർണ്ണയിക്കാൻ സഹായിക്കുക.
ലീറ്ററിന് ഒരു മില്ലിഗ്രാമൊക്കെയാണ് സാധാരണ തോതിലുള്ള സിആര്പി. നീര്ക്കെട്ടിന്റെയും അണുബാധയുടെയും സമയത്ത് ഇത് 100 വരെയോ അതിനും മുകളിലേക്കോ ഒക്കെ ഉയരാമെന്ന് ഡോ. കേശവ് ചൂണ്ടിക്കാട്ടുന്നു.
ഒന്നിന് താഴെയാണ് സിആര്പിയുടെ സാധാരണ തോത്. ഒന്ന് മുതല് മൂന്ന് മില്ലിഗ്രാം പെര് ലീറ്റര് വരെയൊക്കെയുള്ള എച്ച്എസ്-സിആര്പി മിതമായ തോതിലുള്ള നീര്ക്കെട്ടിനെയും ഹൃദ്രോഗസാധ്യതയെയും ആണ് സൂചിപ്പിക്കുന്നത്.
ഇത് മൂന്നിന് മുകളിലാണെങ്കില് ഹൃദയത്തിലെ രക്തധമനികളില് നീര്ക്കെട്ടും ഹൃദയാഘാതം പോലുള്ള സങ്കീര്ണ്ണതകളും ഉണ്ടാകാനുള്ള സാധ്യത വളരെയധികമാണെന്ന് അറിയാം.
ബ്യൂട്ടിപാർലറിൽ പോയി പുരികം ത്രെഡ് ചെയ്യുന്നവർ ഇതൊന്നു വായിക്കു; ഒരു യുവതിയുടെ മരണത്തിനിടയാക്കിയ സംഭവം
പുരികത്തിന്റെ സൗന്ദര്യം വർധിപ്പിക്കുന്നതിനും അതിനെ ഷേപ്പ് ആക്കി എടുക്കുന്നതിനും വേണ്ടി ബ്യൂട്ടിപാർലറിൽ പോയി ആളുകൾ ത്രെഡ് ചെയ്യാത്തവർ ആരും ഉണ്ടാകില്ല.
എന്നാൽ, പുരികം ത്രെഡ് ചെയ്യുന്നത് കരൾ രോഗത്തിന് കാരണമാകുന്നുവെന്ന് കാണിച്ച് സോഷ്യൽ മീഡിയയിലൂടെ വീഡിയോയുമായി രംഗത്ത് വന്നിരിക്കുകയാണ് ഡോക്ടർ അദിതിജ് ധമിജ.
പുരികം ത്രെഡ് ചെയ്ത 28 വയസുള്ള ഒരു യുവതിയുടെ കരൾ തകരാറിലായെന്നാണ് ഡോക്ടർ വീഡിയോയിൽ പറയുന്നത്.
കരൾ തകരാറിലാകാൻ കാരണം അണുബാധയാണെന്നും ഇത്തരത്തിലൊരു അണുബാധ ശുചിത്വമില്ലാത്ത ചുറ്റുപാടിൽ നിന്ന് സംഭവിച്ചതാകാമെന്നും ഡോക്ടർ വീഡിയോയിൽ പറയുന്നു.
നൂൽ, കൈകൾ, ഉപകരണങ്ങൾ എന്നിവ ശുദ്ധമല്ലെങ്കിൽ ത്രെഡ് ചെയ്യുമ്പോൾ ചെറിയ മുറിവുകൾ വഴിയായി ഹെപ്പറ്റൈറ്റിസ് ബി, സി പോലുള്ള വൈറസുകൾ ശരീരത്തിലേക്ക് കയറാൻ സാധ്യതയുണ്ടെന്ന് ഡോ. സറഫ് പറഞ്ഞു.
ഈ വൈറസുകൾ കരളിന് നേരിട്ട് ആഘാതം ഉണ്ടാക്കുകയും, കരൾ തകരാറിലാകാൻ ഇടയാക്കുകയും ചെയ്യുന്നു.
ത്രെഡ് ചെയ്യുമ്പോൾ പാലിക്കേണ്ട പ്രധാന ഉപദേശങ്ങൾ:
വൃത്തിയുള്ള നൂൽ, ഉപകരണങ്ങൾ, കൈകൾ എന്നിവ മാത്രം ഉപയോഗിക്കുക.
ത്രെഡ് കഴിഞ്ഞ ഉടനെ ആ ഭാഗത്ത് തൊടുന്നത് ഒഴിവാക്കുക.
വെയിലിൽ നേരിട്ട് പോകരുത്, ചർമ്മത്തിൽ കരിവാളിപ്പുണ്ടാകാം.
ചൂടുവെള്ളത്തിൽ മുഖം കഴുകുന്നത് ഒഴിവാക്കണം – ഇത് ചർമ്മവ്യാസനങ്ങൾക്കും വീക്കത്തിനും ഇടയാക്കാം.
രണ്ട് ദിവസം മോയിസ്ചറൈസർ ഉപയോഗിച്ച് ചർമ്മത്തിൽ ജലാംശം നിലനിർത്തുക.
Summary:
Following advice from an AI chatbot, a 60-year-old man removed salt entirely from his diet, which led to serious health issues. He was later admitted to the hospital for treatment.
