കോഴിക്കോട് 12 വയസ്സുകാരന് അമീബിക് മസ്തിഷ്കജ്വരം സ്ഥിരീകരിച്ചു. കുട്ടിയുടെ നില അതീവ ഗുരുതരമാണ്.
ഫാറൂക്ക് കോളജിനടുത്ത് താമസിക്കുന്ന ഇരുമൂളിപ്പറമ്പ് സ്വദേശിയായ കുട്ടിക്കാണ് അസുഖം സ്ഥിരീകരിച്ചത്.
ഛർദ്ദിക്കും തലവേദനയും ആയി കോഴിക്കോട്ടെ സ്വകാര്യ ആശുപത്രിയിൽ കഴിഞ്ഞ ദിവസമാണ് കുട്ടിയെ പ്രവേശിപ്പിച്ചത്. ഇതിനിടെയാണ് മസ്തിഷ്ക ജ്വരം സ്ഥിരീകരിക്കുന്നത്. (12-year-old boy diagnosed with )
കഴിഞ്ഞദിവസം കുട്ടി ഫാറൂഖ് കോളജിന് അടുത്തുള്ള കുളത്തിൽ കുളിച്ചിരുന്നു. ഇവിടെനിന്ന് ആവാം രോഗബാധ ഉണ്ടായത് എന്നാണ് സംശയം. കുളത്തിലെ കുളികഴിഞ്ഞ് ഒരാഴ്ചക്ക് ശേഷമാണ് കുട്ടിക്ക് രോഗലക്ഷണം കണ്ടു തുടങ്ങിയത്. കുട്ടിക്ക് രോഗം സ്ഥിരീകരിച്ചതിനെ തുടർന്ന് കുളത്തിൽ കുളിച്ച മറ്റുള്ളവരുടെ വിവരങ്ങൾ ആരോഗ്യപ്രവർത്തകർ ശേഖരിച്ചു.
അമ്മയുടെ രണ്ടാനച്ഛന്റെ കൊടും ക്രൂരത; മൂന്ന് വയസുകാരന്റെ ദേഹത്ത് തിളച്ച ചായ ഒഴിച്ചു
തിരുവനന്തപുരം: മണ്ണന്തലയിൽ മൂന്ന് വയസുകാരന്റെ ദേഹത്ത് തിളച്ച ചായ ഒഴിച്ച് അമ്മയുടെ രണ്ടാനച്ഛൻ. വട്ടിയൂർക്കാവ് സ്വദേശികളായ ദമ്പതികളുടെ മകനാണ് പൊള്ളലേറ്റത്. ഗുരുതരമായി പൊള്ളലേറ്റ മൂന്നു വയസുകാരൻ എസ്എടി ആശുപത്രിയിൽ ചികിത്സയിലാണ്.(three year old boy attacked by grandfather)
ഈ മാസം 24 നായിരുന്നു സംഭവം. മാതാപിതാക്കൾക്ക് ജോലിക്ക് പോകേണ്ടതിനാൽ കുട്ടിയെ മുത്തശന്റെയും മുത്തശിയുടേയും അടുത്തേൽപ്പിക്കുകയായിരുന്നു. പൊള്ളലേറ്റ കുട്ടിയെ ആശുപത്രിയിലെത്തിക്കാൻ പോലും ഇവർ തയ്യാറായില്ല. നാട്ടുകാർ വിവരമറിയച്ചതിനെ തുടർന്ന് മാതാപിതാക്കളെത്തിയാണ് കുട്ടിയെ ആശുപത്രിയിൽ പ്രവേശിപ്പിച്ചത്.
ആശുപത്രി അധിക‍ൃതർ ചൈൽഡ് ലൈനെ വിവരമറിയിക്കുകയായിരുന്നു. സംഭവത്തിൽ കുട്ടിയുടെ മുത്തച്ഛനെതിരെ കേസെടുത്തെങ്കിലും അറസ്റ്റ് രേഖപ്പെടുത്തിയിട്ടില്ല.
