തൃശൂർ: ഇരിങ്ങാലക്കുട റെയില്വേ സ്റ്റേഷന് മുന്നില് പാർക്ക് ചെയ്തിരുന്ന ബൈക്കുകള്ക്ക് കൂട്ടത്തോടെ തീ പിടിച്ചു. തിങ്കളാഴ്ച്ച രാവിലെയാണ് സംഭവം. റെയില്വേ സ്റ്റേഷന് പുറത്തായി റോഡരികില് പാര്ക്ക് ചെയ്തിരുന്ന ബൈക്കുകള്ക്കാണ് തീ പിടിച്ചത്. അപകടത്തിൽ പത്തോളം ബൈക്കുകൾ കത്തിനശിച്ചു.
അതേസമയം, തീപിടുത്തത്തിന്റെ കാരണം വ്യക്തമല്ല. ഇരിങ്ങാലക്കുടയില് നിന്നും ഫയര്ഫോഴ്സ് എത്തി തീ നിയന്ത്രണ വിധേയമാക്കി.
