ലൈവ് വീഡിയോ ചിത്രീകരണത്തിനിടെ ലൈവ് സ്ട്രീമിങ്ങിനിടെ നിയന്ത്രണം വിട്ട ആഡംബര കാര്‍ റോഡരികില്‍ ഇടിച്ചുകയറ്റി യൂട്യൂബര്‍.1.7 crores of luxury lost control during the live video shoot

ജാക്ക് ഡോഹെര്‍ട്ടി എന്ന യുവാവാണ് സാഹസിക കൃത്യം ചെയ്തത്. ഏകദേശം 1.7 കോടി രൂപ വിലമതിക്കുന്ന മക് ലാരെന്‍ 570എസ് സൂപ്പര്‍ കാര്‍ ആണ് റോഡരികില്‍ ഇടിച്ചുകയറ്റിയത്.

ഫ്‌ളോറിഡയിലെ മയാമിയില്‍ ശക്തമായ മഴയില്‍ വാഹനമോടിക്കുന്നതിനിടെയാണ് സംഭവം. വണ്ടി ഓടിക്കുന്നതിനിടെ, ഡൊഹെര്‍ട്ടി ഫോണില്‍ നോക്കുകയും വാഹനം നിയന്ത്രണം നഷ്ടപ്പെട്ട് നനഞ്ഞ റോഡില്‍ തെന്നി പ്പോവുകയുമായിരുന്നു.

ഇതോടെ വാഹനം റോഡിന്റെ ഒരു വശത്തുള്ള ഗാര്‍ഡ് റെയിലില്‍ ഇടിച്ചു. ഡൊഹെര്‍ട്ടിയുടെ ക്യാമറമാന്‍ മൈക്കലും കൂടെയുണ്ടായിരുന്നു. ഇയാള്‍ക്ക് മുഖത്ത് പരിക്കുകളേറ്റെങ്കിലും രക്ഷപ്പെട്ടു.

കാറില്‍ നിന്ന് പുറത്തിറങ്ങിയതിന് ശേഷവും ഇരുവരും വീഡിയോ ചിത്രീകരണം തുടര്‍ന്നു പരിക്കേറ്റ മൈക്കലിനോട് വീഡിയോ എടുക്കുന്നത് തുടരാന്‍ നിര്‍ദേശിക്കുകയും ചെയ്തു.

ലൈവ് സ്ട്രീമിങ്ങിനിടെയാണ് ഈ സംഭവങ്ങളെല്ലാം. പരിക്കേറ്റ ക്യാമറാമാനോട് വീഡിയോ എടുക്കാന്‍ ആവശ്യപ്പെട്ട ഡൊഹേര്‍ട്ടിക്കെതിരെ ശക്തമായ വിമര്‍ശനം ഉയരുന്നുണ്ട്.

ഈ സംഭവത്തെ തുടര്‍ന്ന് ലൈവ് സ്ട്രീമിങ് പ്ലാറ്റ്‌ഫോമായ കിക്ക് ഡോഹെര്‍ട്ടിയെ വിലക്കി. അപകടരമായ രീതിയില്‍ വാഹനമോടിച്ചതിനുള്ള നിയമനടപടികളും നേരിടേണ്ടി വന്നേക്കും.

സാഹസികമായതും അപകടം നിറഞ്ഞതുമായ കാര്യങ്ങള്‍ ചെയ്ത് ശ്രദ്ധനേടിയ ആളാണ് ഡോഹെര്‍ട്ടി. അപകടത്തിൽ ഡൊഹെര്‍ട്ടിയ്ക്ക് കാര്യമായ പരിക്കുകളില്ല.