അടൽ സേതുവിൽ നിന്നും കടലില് ചാടി ആത്മഹത്യയ്ക്ക് ശ്രമിച്ച യുവതിയെ ക്യാബ് ഡ്രൈവറും ട്രാഫിക് പോലീസും ചേര്ന്ന് അതിസാഹസികമായി രക്ഷിക്കുന്ന വീഡിയോ സമൂഹ മാധ്യമങ്ങളില് വൈറല്ലായി.Young woman tries to commit suicide by jumping from Atal Setu: taxi driver rescues her
57 കാരിയായ സ്ത്രീ പാലത്തില് നിന്നും ചാടാന് ശ്രമിച്ചപ്പോള് അവരുടെ മുടിയില് പിടിച്ച് വലിച്ചാണ് ക്യാബ് ഡ്രൈവറും ട്രാഫിക് പോലീസും കൂടി സാഹസികമായ രക്ഷപ്പെടുത്തിയത്.
സംഭവം ഇങ്ങനെ:
, പാലത്തില് ഒരു കാര് നിര്ത്തിയതായും യുവതി ആത്മഹത്യയ്ക്ക് ശ്രമിക്കുന്നതായും വിവരം ലഭിച്ചതിന് പിന്നാലെയാണ് സംഭവ സ്ഥലത്ത് ട്രാഫിക് പോലീസ് എത്തിയത്.
സമൂഹ മാധ്യമങ്ങളില് വൈറലായ വീഡിയോയില് പാലത്തിന്റെ കൈവരിക്ക് പുറത്ത് കടലിലേക്ക് നോക്കി ഒരു സ്ത്രീ ഇരിക്കുന്നതും റോഡില് ഒരു ടാക്സി കാറും ഡ്രൈവറും നില്ക്കുന്നതും കാണാം.
ഇരുവരുടെയും അടുത്തേക്ക് ട്രാഫിക് പോലീസിന്റെ ജീപ്പ് എത്തുമ്പോള് സ്ത്രീ പെട്ടെന്ന് കടലിലേക്ക് ചാടുന്നു. എന്നാല് ക്യാബ് ഡ്രൈവര് ഒരു നിമിഷം പോലും കളയാതെ പാലത്തിന്റെ കൈവരിക്കുള്ളിലൂടെ കൈ നീട്ടി അവരുടെ തലമുടിയില് പിടിക്കുന്നതും വീഡിയോയില് കാണാം.
മുടിയില് നിന്നും ക്യാബ് ഡ്രൈവറുടെ കൈ വിടുവിക്കാന് സ്ത്രീ ശ്രമിക്കുന്നതിനിടെ നാല് ട്രാഫിക് പോലീസുകാര് ഓടിയെത്തി അവരെ അതിസാഹസികമായി രക്ഷപ്പെടുത്തുന്നതാണ് കാണുന്നത്.
സംഭവത്തിന്റെ വീഡിയോ സിപി മുംബൈ പോലീസ് എന്ന ട്വിറ്റര് അക്കൌണ്ടിലൂടെയാണ് പങ്കുവയ്ക്കപ്പെട്ടത്.
ഡ്യൂട്ടിയിലുണ്ടായിരുന്ന ഉദ്യോഗസ്ഥരായ പിഎൻ ലളിത് ഷിർസത്ത്, പിഎൻ കിരൺ മഹ്ത്രെ, പിസി യാഷ് സോനവാനെ, പിസി മയൂർ പാട്ടീൽ എന്നിവരുടെ ശ്രമമാണ് യുവതിയെ രക്ഷപ്പെടുത്തിയതെന്ന് വീഡിയോയ്ക്ക് ഒപ്പമുള്ള കുറിപ്പില് പറയുന്നു.
