പാലക്കാട്: പൂര പന്തൽ അഴിക്കുന്നതിനിടെ ഷോക്കേറ്റ് യുവാവ് മരിച്ചു. ഒറ്റപ്പാലം പാലപ്പുറത്ത് പൂരാഘോഷത്തിന്റെ ഭാഗമായി കെട്ടിയ പന്തൽ അഴിക്കുന്നതിനിടെയാണ് അപകടമുണ്ടായത്. എടപ്പാൾ സ്വദേശിയായ സുമേഷാണ് മരിച്ചത്.
ചിനക്കത്തൂർ പൂരത്തോടനുബന്ധിച്ച് 20 അടിയോളം ഉയരമുള്ള പന്തൽ സ്ഥാപിച്ചിരുന്നു. ഇത് അഴിച്ചുമാറ്റുന്നതിനിടെയാണ് സുമേഷിന് ഷോക്കേറ്റത്. വൈകിട്ടോടെയാണ് സംഭവം നടന്നത്. ഷോക്കേറ്റ യുവാവ് നിലത്തേക്ക് തെറിച്ചു വീഴുകയായിരുന്നു. ആശുപത്രിയിൽ എത്തുമ്പോഴേക്കും മരണം സംഭവിച്ചിരുന്നു.
മൃതദേഹം ഒറ്റപ്പാലത്തെ സ്വകാര്യ ആശുപത്രിയിൽ സൂക്ഷിച്ചിരിക്കുകയാണ്. പൊലീസ് നടപടികൾക്ക് ശേഷം മോർച്ചറിയിലേക്ക് മാറ്റും. തുടർന്ന് നാളെ പോസ്റ്റ്‌മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും. ഏറെ പ്രസിദ്ധമായ ചിനക്കത്തൂർ പൂരം കഴിഞ്ഞ ദിവസമാണ് അവസാനിച്ചത്. ഇതേ തുടർന്ന് കെട്ടിയ പന്തലുകൾ അഴിച്ചു മാറ്റുന്ന പ്രവർത്തികൾ നടന്നു വരികയായിരുന്നു.
