കൊച്ചി: വൈപ്പിന്‍ കുഴിപ്പിള്ളിയില്‍ വനിത ഓട്ടോ ഡ്രൈവര്‍ക്ക് ക്രൂര മർദനം. വൈപ്പിൻ പള്ളത്താംകുളങ്ങരയിലെ ഓട്ടോ ഡ്രൈവർ ജയയ്ക്കാണ് മർദനമേറ്റത്. ഇന്നലെ രാത്രിയിലാണ് ആക്രമണം നടന്നത്. (Woman Auto driver brutally beaten up in Kochi)

ഓട്ടം പോവാൻ വേണ്ടി വിളിച്ച യുവാക്കളാണ് മർദിച്ചതെന്ന് പൊലീസ് അറിയിച്ചു. മർദനത്തിൽ ഗുരുതര പരുക്കേറ്റ ജയ ചികിത്സയിലാണ്. ഓട്ടോയിൽ കയറിയ 3 യുവാക്കളാണ് ജയയെ മർദിച്ചതെന്ന് സഹോദരി പ്രതികരിച്ചു. മർദനത്തിൽ വാരിയെല്ലുകൾ ഒടിഞ്ഞതുൾപ്പടെ ജയയ്ക്ക് ഗുരുതര പരുക്കുണ്ടെന്നും സഹോദരി പറഞ്ഞു.

കളമശ്ശേരി മെഡിക്കൽ കോളേജിലേക്ക് പോകണമെന്നു പറഞ്ഞാണ് മൂവരും ഓട്ടോയിൽ കയറിയത്. കുഴുപ്പിള്ളിയിൽ നിന്നാണ് ഓട്ടോ വിളിച്ചത്. കളമശ്ശേരി മെഡിക്കൽ കോളേജിൽ എത്തിയ ഇവർ അവിടെ നിന്ന് തിരിച്ച് കുഴുപ്പിള്ളിയിലെത്തിയ ശേഷമാണ് മർദിച്ചത്. അവശനിലയിലായ ജയയെ നാട്ടുകാരാണ് ആശുപത്രിയിലെത്തിച്ചത്.

Read Also: ആ വിമാനം അപ്രത്യക്ഷമായതല്ല, തകർന്ന് വീണത്; മലാവി വൈസ് പ്രസിഡന്റ് സോളോസ് ക്ലോസ് ചിലിമ വിമാനാപകടത്തിൽ കൊല്ലപ്പെട്ടു

Read Also:കല്ലൂർകാട് പഞ്ചായത്തിലെ അംഗനവാടി മുതൽ സ്കൂൾ വരെ സ്മാർട്ടായി; ഹൊറൈസൺ ഗ്രൂപ്പിൻ്റേത് മാതൃകാപരമായ ഇടപെടലെന്ന് ഡീൻ കുര്യാക്കോസ് എം.പി