സ്‌കൂളിൽ നിരന്തരം പീഡനത്തിനിരയായതിനെ തുടർന്ന് 12 വയസ്സുകാരിആത്മഹത്യ ചെയ്തു. അമേരിക്കയിലെഡുവാൻ ഡി കെല്ലർ മിഡിൽ സ്‌കൂളിലെ വിദ്യാർത്ഥിനിയായ ഫ്ലോറ മാർട്ടിനെസ് ആണ് ആത്മഹത്യ ചെയ്തത് . മെയ് 7 ന് ആയിരുന്നു സംഭവം. റിപ്പോർട്ട് അനുസരിച്ച്, കഴിഞ്ഞ വർഷം ഓഗസ്റ്റിൽ കെല്ലർ മിഡിൽ സ്കൂളിൽ ആറാം ക്ലാസിൽ പഠിക്കാൻ തുടങ്ങിയതിന് ശേഷമാണ് മാർട്ടിനെസിൻ്റെ പെരുമാറ്റത്തിൽ മാറ്റം വരുന്നത് മാതാപിതാക്കൾ ശ്രദ്ധിച്ചത്. തങ്ങളുടെ കുട്ടി പീഡനത്തിനിരയായെന്നും അവളെ സംരക്ഷിക്കുന്നതിൽ സ്‌കൂൾ പരാജയപ്പെട്ടെന്നും മാതാപിതാക്കൾ പറഞ്ഞു.

അധ്യയന വർഷത്തിൻ്റെ തുടക്കത്തിൽ തന്നെ മാർട്ടിനെസിൻ്റെ പ്രശ്നങ്ങൾ ആരംഭിച്ചതായി അവളുടെ അമ്മ ആലീസ് പറഞ്ഞു. പെൺകുട്ടി പ്രശ്‌നങ്ങൾ സ്‌കൂൾ അസിസ്റ്റൻ്റ് പ്രിൻസിപ്പലിനെ അറിയിക്കുകയും മാതാപിതാക്കളും വിഷയത്തിൽ ഇടപെടും ചെയ്തിരുന്നു. തൻ്റെ മകളെ കെല്ലറിൽ നിന്ന് മാറ്റുന്നതിനുള്ള രേഖകൾ സമർപ്പിച്ചിരുന്നതായി ആലീസ് പറഞ്ഞു. മാസങ്ങളോളം നടന്ന പീഡനം സഹിക്കാൻ വയ്യാതെയാണ് കുട്ടി ആത്മഹത്യ ചെയ്തതെന്ന് മാതാപിതാക്കൾ പറയുന്നു.

Read also:ഐ പിഎൽ ലീഗ് മത്സരം അവസാനിപ്പിച്ച് മഴ; ടോസിന് ശേഷം ഒരു ബോൾ പോലും എറിയാനാവാതെ ഉപേക്ഷിച്ച് രാജസ്ഥാന്‍-കൊല്‍ക്കത്ത പോരാട്ടം; എലിമിനേറ്ററിൽ രാജസ്ഥാനും ബംഗളൂരുവും കൊമ്പുകോർക്കും