വിസ്മയ ‘തുടക്കം’; മോഹൻലാലിന്റെ മകളുടെ സിനിമയിൽ ആരാണാ താടിക്കാരൻ
മലയാളത്തിന്റെ പ്രിയതാരം മോഹൻലാലിന്റെ മകൾ വിസ്മയ മോഹൻലാൽ ആദ്യമായി അഭിനയിക്കുന്ന ചിത്രം ‘തുടക്കം’ എന്ന ചിത്രത്തിന്റെ ആകാംക്ഷ ഉയർത്തുന്ന സെക്കന്റ് ലുക്ക് പോസ്റ്റർ പുറത്തിറങ്ങി.
2018 എന്ന ചരിത്രവിജയ ചിത്രത്തിന് ശേഷം ജൂഡ് ആന്റണി ജോസഫ് സംവിധാനം ചെയ്യുന്ന ഈ ചിത്രം പ്രഖ്യാപന ഘട്ടം മുതൽ തന്നെ വലിയ വാർത്താപ്രാധാന്യം നേടിയിരുന്നു.
പുറത്തുവന്ന പോസ്റ്ററിൽ വിസ്മയയുടെ തീക്ഷ്ണവും അതേസമയം ദൈന്യഭാവം നിറഞ്ഞതുമായ മുഖഭാവമാണ് ശ്രദ്ധേയമാകുന്നത്. വിസ്മയയ്ക്ക് പിന്നിലായി നിർമ്മാതാവ് ആന്റണി പെരുമ്പാവൂരിന്റെ മകൻ ആശിഷ് ജോ ആന്റണിയും പോസ്റ്ററിലുണ്ട്.
എന്നാൽ സോഷ്യൽ മീഡിയയിൽ ഇപ്പോൾ കൂടുതൽ ചർച്ചയാകുന്നത്, വിസ്മയയ്ക്ക് മുന്നിൽ പുറം തിരിഞ്ഞ് നിൽക്കുന്ന താടി വച്ച ആ രഹസ്യ രൂപത്തെക്കുറിച്ചാണ്.
രൂപസാദൃശ്യം കൊണ്ടുതന്നെ അത് മോഹൻലാൽ തന്നെയാണോ എന്ന സംശയമാണ് ആരാധകർ ഉയർത്തുന്നത്. ഇതോടെ ചിത്രത്തിൽ മോഹൻലാലിന്റെ സാന്നിധ്യമുണ്ടോ എന്ന കൗതുകവും സസ്പെൻസും ശക്തമാകുകയാണ്.
മോഹൻലാലിന്റെ മാതാവിന്റെ നിര്യാണത്തെ തുടർന്ന് സിനിമയുടെ ചിത്രീകരണം താൽക്കാലികമായി നിർത്തിവച്ചിരുന്നു. ദുഃഖഭരിതമായ ആ ഇടവേളക്ക് ശേഷം ജനുവരി 18ന് തൊടുപുഴയിലും കുട്ടിക്കാനത്തുമായി ചിത്രീകരണം പുനരാരംഭിച്ചു.
ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന തുടക്കം ഒരു ഫാമിലി ത്രില്ലർ വിഭാഗത്തിലുള്ള ചിത്രമാണ്.
English Summary
The second look poster of Thudakkam, the debut film of Vismaya Mohanlal, daughter of superstar Mohanlal, has been released, generating significant excitement. Directed by Jude Anthany Joseph after the blockbuster 2018, the poster highlights Vismaya’s intense and emotional expression. Social media buzz is centered around a bearded figure seen from behind in the poster, with fans speculating whether it could be Mohanlal himself, increasing curiosity about his possible appearance in the film. Produced by Antony Perumbavoor under Aashirvad Cinemas, Thudakkam is described as a family thriller.
vismaya-mohanlal-debut-film-thudakkam-second-look-poster
Vismaya Mohanlal, Thudakkam movie, Mohanlal daughter, Jude Anthany Joseph, Malayalam cinema, second look poster, Aashirvad Cinemas, family thriller
