കാമ്പസിൽ ‘ചെത്തി ’ നടന്ന് ചെത്താൻ പഠിക്കാം; അതും ഒരു രൂപ ഫീസില്ലാതെ; പണം ഇങ്ങോട്ട് കിട്ടും
തിരുവനന്തപുരം: വെള്ളായണി സർവകലാശാലാ ക്യാമ്പസിൽ മൂന്ന് മാസത്തിനകം ‘ടോഡി ടെക്നീഷ്യൻ’ കോഴ്സ് ആരംഭിക്കും.
ജീൻസ്–ടീഷർട്ട് സംസ്കാരത്തിൽ വളരുന്ന പുതിയ തലമുറയെ ലക്ഷ്യമിട്ടാണ് ചെത്ത് (കള്ളുചെത്തൽ) പരിശീലന കോഴ്സ് സംഘടിപ്പിക്കുന്നത്.
ക്യാമ്പസിലെ തെങ്ങുകളിലാണ് പ്രായോഗിക പരിശീലനം നൽകുക.
കോഴ്സിന്റെ തിയറി ക്ലാസുകൾ സർവകലാശാലയിലെ രണ്ട് അധ്യാപകർ കൈകാര്യം ചെയ്യും.
പ്രായോഗിക പരിശീലനത്തിനായി പരിചയസമ്പന്നരായ പരമ്പരാഗത ചെത്ത് തൊഴിലാളികളെയും (ചെത്താശാന്മാർ) നിയോഗിക്കും.
കോഴ്സ് വിജയകരമായി പൂർത്തിയാക്കുന്നവർക്ക് കേരള കള്ളുവ്യവസായ വികസന ബോർഡിന്റെ ‘ടോഡി ടെക്നീഷ്യൻ സർട്ടിഫിക്കറ്റ്’ നൽകും.
18 മുതൽ 45 വയസുവരെയാണ് പ്രായപരിധി. അപേക്ഷാ വിജ്ഞാപനം ഉടൻ പുറത്തിറക്കും. ആവശ്യമുണ്ടെങ്കിൽ മറ്റ് ജില്ലകളിലേക്കും കോഴ്സ് വ്യാപിപ്പിക്കാനാണ് പദ്ധതിയെന്ന് ബോർഡ് വ്യക്തമാക്കി.
കോഴ്സ് പൂർണമായും സൗജന്യമാണ്. ഓരോ ബാച്ചിലും 30 പേർക്ക് പ്രവേശനം നൽകും. പഠിതാക്കളുടെ താമസം, ഭക്ഷണം എന്നിവ ഉൾപ്പെടെ എല്ലാ ചെലവുകളും ടോഡി ബോർഡ് വഹിക്കും.
കൂടാതെ, ഓരോ പഠിതാവിനും പ്രതിമാസം 10,000 രൂപ സ്റ്റൈപ്പൻഡും ലഭിക്കും.
പരമ്പരാഗത ചെത്ത് തൊഴിലാളികളുടെ കുറവ് മൂലം പ്രതിസന്ധിയിലായ കള്ളുവ്യവസായത്തെ പുനരുജ്ജീവിപ്പിക്കാനുള്ള ശ്രമത്തിന്റെ ഭാഗമായാണ് ഈ കോഴ്സ്.
സ്റ്റാർ ഷാപ്പുകളും റെസ്റ്റോറന്റുകളും ആരംഭിക്കാൻ പോലും ചെത്തുകാരുടെ അഭാവം വലിയ തടസമായി മാറുന്ന സാഹചര്യത്തിലാണ് പദ്ധതി നടപ്പാക്കുന്നതെന്ന് കേരള കള്ളുവ്യവസായ വികസന ബോർഡ് ചെയർമാൻ യു.പി. ജോസഫ് പറഞ്ഞു.
English Summary
The Kerala Toddy Industry Development Board will launch a free “Toddy Technician” course at Vellayani University campus in Thiruvananthapuram within three months. Aimed at attracting youth, the course will include theoretical classes by university teachers and practical training on coconut trees by experienced traditional toddy tappers. Participants aged 18–45 will receive free accommodation, food, and a monthly stipend of ₹10,000. Successful candidates will be awarded a Toddy Technician Certificate. The initiative seeks to revive the toddy industry facing a shortage of skilled tappers.
vellayani-campus-toddy-technician-course-launch
toddy board, vellayani campus, toddy technician course, kerala toddy industry, skill development, youth training, stipend course
