ആടുകൾക്ക് വൈറസ് രോഗമായ ആടുവസന്ത ബാധിച്ചു തുടങ്ങിയതോടെ കർഷകർക്കിടയിൽ മൃഗസംരക്ഷണ വകുപ്പിന്റെ നേതൃത്വത്തിൽ പ്രതിരോധകുത്തിവെയ്പ്പ് ആരംഭിച്ചു.(Vaccination for goat plague)
ആടുകളെയും ചെമ്മരിയാടുകളെയും ബാധിക്കുന്ന മാരക വൈറസ് രോഗമായ ആടുവസന്തയ്‌ക്കെതിരെയാണ് മൃഗസംരക്ഷണ വകുപ്പ് കുത്തിവെയ്പ്പ് യജ്ഞം ആരംഭിച്ചിട്ടുള്ളത്. വായുവിലൂടെ പകരുന്ന ഈ രോഗത്തെ പ്രതിരോധകുത്തിവെയ്പ്പിലൂടെ മാത്രമേ നിയന്ത്രിക്കുവാൻ സാധിക്കൂ. നാലു മാസത്തിന് മുകളിൽ പ്രായമുള്ളവയ്ക്കാണ് കുത്തിവെയ്പ്പ് നൽകുക.
വാക്‌സിനേഷനായി രൂപീകരിച്ചിരിക്കുന്ന സ്‌ക്വാഡുകൾ വീടുകളിലെത്തി കുത്തിവയ്പ്പ് നല്കുകും. ആടുകളിൽ രോഗ ലക്ഷണങ്ങൾ കണ്ടാൽ കർഷകർ സംശയനിവാരണത്തിനായി അതത് മൃഗാശുപത്രികളുമായി ബന്ധപ്പെടേണ്ടതാണെന്ന് മൃഗസംരക്ഷണ വകുപ്പ് അറിയിച്ചു.
