റഷ്യൻ ആക്രമണം ഇനി ഉണ്ടാകില്ലെന്ന് ഉറപ്പ് ലഭിക്കണമെന്ന് ജർമ്മൻ പ്രതിരോധ മന്ത്രി
കീവ്: യുക്രെയ്ൻ–റഷ്യ യുദ്ധത്തിന്റെ പ്രധാന കാരണമായി കണക്കാക്കപ്പെട്ടിരുന്ന നാറ്റോ അംഗത്വ മോഹം യുക്രെയ്ൻ അവസാനിപ്പിച്ചു.
ബെർലിനിൽ നടക്കുന്ന സമാധാന ചർച്ചകളിൽ പുരോഗതി ഉണ്ടെന്നു യുഎസ് പ്രസിഡന്റ് ഡോണൾഡ് ട്രംപിന്റെ പ്രത്യേക പ്രതിനിധി അറിയിച്ചതിന് പിന്നാലെയാണ് യുക്രെയ്ൻ ഈ നിർണായക തീരുമാനം പ്രഖ്യാപിച്ചത്.
യുക്രെയ്ൻ പ്രസിഡന്റ് വൊളോഡിമിർ സെലൻസ്കിയാണ് നാറ്റോയിൽ ചേരാനുള്ള രാജ്യത്തിന്റെ ആഗ്രഹം അവസാനിപ്പിക്കുന്നതായി സ്ഥിരീകരിച്ചത്.
തിങ്കളാഴ്ചയും സമാധാന ചർച്ചകൾ തുടരുമെന്നും, എന്നാൽ ഇനി റഷ്യൻ ആക്രമണം ഉണ്ടാകില്ലെന്ന ഉറപ്പ് യുക്രെയ്നിന് ലഭിക്കണമെന്നും ജർമൻ പ്രതിരോധ മന്ത്രി യുഎസ് പ്രതിനിധി സ്റ്റീവ് വിറ്റ്കോഫിനോട് ആവശ്യപ്പെട്ടതായി റിപ്പോർട്ടുണ്ട്.
യുക്രെയ്ൻ നാറ്റോയിൽ ചേരാനുള്ള ശ്രമങ്ങളാണ് യുദ്ധത്തിന്റെ പ്രധാന കാരണങ്ങളിലൊന്നായി റഷ്യ ചൂണ്ടിക്കാട്ടിയിരുന്നത്.
നാറ്റോ മോഹം ഉപേക്ഷിച്ചതോടെ, റഷ്യ തങ്ങളുടെ യുദ്ധ ലക്ഷ്യങ്ങളിലൊന്നെങ്കിലും കൈവരിച്ച നിലയിലാണെന്ന് അന്താരാഷ്ട്ര നിരീക്ഷകർ വിലയിരുത്തുന്നു.
English Summary:
Ukraine has announced that it is dropping its long-standing ambition to join NATO, a key issue behind the Ukraine–Russia war. The decision comes amid progress in peace talks being held in Berlin, according to a representative of US President Donald Trump. President Volodymyr Zelenskyy confirmed the move, while discussions are set to continue with demands for assurances against further Russian attacks. Russia is seen as having achieved one of its strategic objectives.
ukraine-drops-nato-ambition-peace-talks-berlin
Ukraine, Russia, NATO, Zelenskyy, Peace Talks, Berlin, World News
