ഇൻഫ്ലുവൻസർമാർക്ക് ഇനി ‘ലൈസൻസ്’ ഇല്ലാതെ രക്ഷയില്ല! യുഎഇയിൽ വമ്പൻ നിയമപരിഷ്കാരം പ്രാബല്യത്തിൽ;

ദുബായ്: സോഷ്യൽ മീഡിയയിലൂടെ ഉൽപ്പന്നങ്ങൾ പരിചയപ്പെടുത്തിയും റിവ്യൂകൾ നൽകിയും വരുമാനം

കണ്ടെത്തുന്നവർക്കും ബിസിനസ് സ്ഥാപനങ്ങൾക്കും യുഎഇയിൽ ഇനി കടുത്ത നിബന്ധനകൾ.

2026 ഫെബ്രുവരി ഒന്നായ ഇന്ന് മുതൽ രാജ്യത്തെ എല്ലാ ഡിജിറ്റൽ പരസ്യങ്ങൾക്കും ‘മാധ്യമ പെർമിറ്റ്’ നിർബന്ധമാക്കി യുഎഇ മീഡിയ കൗൺസിൽ ഉത്തരവിറക്കി.

ഇതോടെ സോഷ്യൽ മീഡിയ പ്ലാറ്റ്‌ഫോമുകളിലെ പ്രമോഷനുകൾ പൂർണ്ണമായും നിയമത്തിന്റെ നിഴലിലായി.

പണമടച്ചുള്ള പരസ്യങ്ങൾക്ക് മാത്രമല്ല, ഫ്രീ റിവ്യൂകൾക്കും പ്രമോഷനുകൾക്കും പെർമിറ്റ് നിർബന്ധം

പലപ്പോഴും പണം വാങ്ങാതെ സൗജന്യമായി ഉൽപ്പന്നങ്ങൾ സ്വീകരിച്ച് നടത്തുന്ന ‘കൊളാബറേഷൻ’ വീഡിയോകൾക്കും ഇനി പെർമിറ്റ് ആവശ്യമാണ്.

വെബ്‌സൈറ്റുകൾ, ബ്ലോഗുകൾ, ഇൻസ്റ്റഗ്രാം, ടിക്‌ടോക്, എക്സ് (ട്വിറ്റർ) തുടങ്ങി എല്ലാ ഡിജിറ്റൽ ഇടങ്ങളിലും

ഏതെങ്കിലും തരത്തിലുള്ള പ്രമോഷൻ നടത്തുന്ന വ്യക്തികളും സ്ഥാപനങ്ങളും ഈ നിയമത്തിന്റെ പരിധിയിൽ വരും. ഉള്ളടക്കത്തിന്റെ സുതാര്യത ഉറപ്പാക്കാനാണ് ഈ നീക്കം.

സന്ദർശക വിസയിലെത്തുന്ന ഇൻഫ്ലുവൻസർമാർക്കും നിയന്ത്രണം; ഏജൻസികൾ വഴി അപേക്ഷിക്കണം

യുഎഇയിൽ താമസിക്കുന്നവർക്ക് മാത്രമല്ല, വിദേശങ്ങളിൽ നിന്ന് സന്ദർശക വിസയിൽ എത്തി യുഎഇയിലെ സ്ഥാപനങ്ങൾക്കോ ഉൽപ്പന്നങ്ങൾക്കോ വേണ്ടി പരസ്യം ചെയ്യുന്നവർക്കും പെർമിറ്റ് ബാധകമാണ്.

എസ്എസ്എല്‍സി പരീക്ഷ മാര്‍ച്ച് അഞ്ചിന്; ഫലപ്രഖ്യാപനം മെയ് എട്ടിന്

ഇത്തരക്കാർക്ക് മൂന്ന് മാസത്തേക്കുള്ള താൽക്കാലിക പെർമിറ്റാണ് ലഭിക്കുക. സന്ദർശകർ യുഎഇ ആസ്ഥാനമായി

പ്രവർത്തിക്കുന്ന ലൈസൻസുള്ള മീഡിയ ഏജൻസികൾ വഴി മാത്രമേ ഈ പെർമിറ്റിന് അപേക്ഷിക്കാൻ പാടുള്ളൂ.

പ്രൊഫൈലുകളിൽ പെർമിറ്റ് നമ്പർ നിർബന്ധം; വ്യാജ അക്കൗണ്ടുകൾക്കെതിരെ കർശന നടപടി

പുതിയ നിയമപ്രകാരം കണ്ടന്റ് ക്രിയേറ്റർമാർ തങ്ങളുടെ സോഷ്യൽ മീഡിയ ബയോയിലോ പ്രൊഫൈലിലോ മീഡിയ കൗൺസിൽ നൽകുന്ന പെർമിറ്റ് നമ്പർ വ്യക്തമായി രേഖപ്പെടുത്തണം.

അംഗീകൃതവും രജിസ്റ്റർ ചെയ്തതുമായ അക്കൗണ്ടുകൾ വഴി മാത്രമേ പ്രമോഷനുകൾ പാടുള്ളൂ.

വ്യാജ അക്കൗണ്ടുകളുമായോ ബോട്ട് അക്കൗണ്ടുകളുമായോ ചേർന്ന് പരസ്യങ്ങൾ ചെയ്യുന്നത് ശിക്ഷാർഹമാണ്.

താമസക്കാർക്ക് ആദ്യ മൂന്ന് വർഷം സൗജന്യം; സുതാര്യത ഉറപ്പാക്കാൻ വിപുലമായ പദ്ധതി

യുഎഇ പൗരന്മാർക്കും റെസിഡന്റ് വിസയിലുള്ളവർക്കും പെർമിറ്റ് എടുക്കുന്നത് പ്രോത്സാഹിപ്പിക്കുന്നതിനായി ആദ്യത്തെ മൂന്ന് വർഷത്തേക്ക് ഫീസ് ഒഴിവാക്കിയിട്ടുണ്ട്.

ഒരു വർഷത്തേക്കായിരിക്കും പെർമിറ്റിന്റെ കാലാവധി, ഇത് വർഷാവർഷം പുതുക്കാവുന്നതാണ്.

പ്രാദേശിക പ്രതിഭകളെ വളർത്തുന്നതിനൊപ്പം തന്നെ പരസ്യ വിപണിയിലെ വിശ്വാസ്യത വർദ്ധിപ്പിക്കുകയുമാണ് സർക്കാർ ഇതിലൂടെ ലക്ഷ്യമിടുന്നത്.

നിയമം ലംഘിച്ചാൽ കാത്തിരിക്കുന്നത് ലക്ഷങ്ങളുടെ പിഴ; നടപടികൾ കർശനമാക്കും

മാധ്യമ നിയമങ്ങൾ പാലിക്കാതെ പരസ്യം നൽകുന്നവർക്കെതിരെ വിട്ടുവീഴ്ചയില്ലാത്ത നടപടികളാണ് അധികൃതർ പ്രഖ്യാപിച്ചിരിക്കുന്നത്.

ലംഘനത്തിന്റെ ഗൗരവമനുസരിച്ച് കുറഞ്ഞത് 5,000 ദിർഹം മുതൽ പരമാവധി 10 ലക്ഷം ദിർഹം (ഏകദേശം 2.2 കോടി ഇന്ത്യൻ രൂപ) വരെ പിഴ ഈടാക്കാം.

2023-ലെ ഫെഡറൽ മീഡിയ നിയമത്തിന്റെ അടിസ്ഥാനത്തിലാണ് ഈ കർശന നടപടി.

English Summary

From February 1, 2026, the UAE Media Council has mandated that all content creators, influencers, and advertisers obtain a valid permit for any form of digital promotion, whether paid or unpaid. This regulation covers social media, blogs, and websites. While UAE residents can avail of the permit for free for the first three years