കവരത്തി: കടലിൽ പോയ പന്തെടുക്കാൻ ശ്രമിക്കുന്നതിനിടെ രണ്ടു വിദ്യാർഥികൾ മുങ്ങി മരിച്ചു. ലക്ഷദ്വീപിലെ ബംഗാരം ദ്വീപിലാണ് അപകടം നടന്നത്. കുടുംബാംഗങ്ങളോടൊപ്പം എത്തിയ ഒന്നാം ക്ലാസ് വിദ്യാർത്ഥികളാണ് മുങ്ങി മരിച്ചത്.(Two first class students drowned in Bangaram island in Lakshadweep)
മാതാപിതാക്കളോടൊപ്പം ബംഗാരം ദ്വീപിലേക്ക് പോയ കുട്ടികൾ കളിക്കുന്നതിനിടെയാണ് അപകടം നടന്നത്. അഗത്തി ജെബിഎസ് സ്കൂളിലെ ഒന്നാം ക്ലാസ് വിദ്യാർത്ഥികളായ മുഹമ്മദ് ഫവാദ് ഖാൻ, സഹാൻ സൈദ് എന്നിവരാണ് മരിച്ചത്. ഇരുവർക്കും ആറു വയസ്സാണ് പ്രായം.
അപകട സമയത്ത് മാതാപിതാക്കൾ സമീപത്തുതന്നെ ഉണ്ടായിരുന്നു. കളിക്കുന്നതിനിടെ കടലിൽ പോയ പന്തെടുക്കാൻ ശ്രമിച്ചതോടെയാണ് രണ്ടുപേരെയും കാണാതായത്. ഉടൻ തന്നെ ഇവർക്കായി തെരച്ചിൽ ആരംഭിച്ചെങ്കിലും ഇരുവർക്കും ജീവൻ നഷ്ടമായിരുന്നു.
