ചൂടുകൂടിയതോടെ സംസ്ഥാനത്ത് വൈദ്യുതി ഉപഭോഗം കുത്തനെ ഉയർന്നു .11.01 കോടി യൂണിറ്റ് വരെ പിന്നിട്ട് വൈദ്യുതി ഉപഭോഗം റെക്കോഡിട്ടതോടെ കെ.എസ്.ഇ.ബി.യ്ക്കും തലവേദന തുടങ്ങി. വ്യാപകമായി ട്രാൻസ്‌ഫോർമറുകൾക്ക് തീപിടിയ്ക്കുന്നതാണ് കെ.എസ്.ഇ.ബി.യ്ക്ക് തലവേദനാകുന്നത്. എ.സി.ഫാൻ ഉപഭോഗം ഉൾപ്പെടെ കുത്തനെ ഉയർന്നതും പവർ കൂടിയ വാട്ടർ പമ്പുകൾ ഉപയോഗിക്കുന്നതോടെ കൂടുതൽ ലോഡ് താങ്ങേണ്ടി വരുന്ന ട്രാൻസ്‌ഫോർമറുകളുടെ ഇൻസുലേഷൻ ഭാഗത്താണ് തീപിടിച്ച് തുടങ്ങുന്നത്. ഓയിൽ ഉൾപ്പെടെയുള്ള വസ്തുക്കളിലേയ്ക്ക് തീ പടരുന്നതോടെ ട്രാൻസ്‌ഫോർമർ പൊട്ടിത്തെറിക്കും.
ത്രീഫേസ് എടുക്കേണ്ട സ്ഥാപനങ്ങൾ സിംഗിൾ ഫേസ് ലൈൻ ഉപയോഗിക്കുന്നതും ട്രാൻസ്‌ഫോർമറിന് തീപിടിയ്ക്കാൻ കാരണമാകുന്നുണ്ട്. വലിയ തോതിൽ വൈദ്യുതിയുള്ള ട്രാൻസ്‌ഫോർമറിലെ തീയണയ്ക്കുന്നതിൽ അഗ്നിരക്ഷാസേനയും ഏറെ വെല്ലുവിളി നേരിടുന്നുണ്ട്. വൈദ്യുതി കടന്നുവരാതെ വെള്ളം ഇടവിട്ട് പമ്പുചെയ്ത് തീയണയ്ക്കൽ ഏറെ ബുദ്ധിമുട്ടാണ്.
Read also;എവിടെയാണ് നിങ്ങള്‍ തോറ്റതെന്ന് അവതാരകന്റെ ചോദ്യം; തോൽവിയിലും ചിരി പടര്‍ത്തി സഞ്ജുവിന്റെ ഉത്തരം; വൈറൽ
