തിരുവനന്തപുരം: നഗരൂരിൽ വാക്കുതർക്കത്തെ തുടർന്നുണ്ടായ ആക്രമണത്തിൽ കുത്തേറ്റ് യുവാവിന് ഗുരുതര പരിക്ക്. കിളിമാനൂർ കുന്നുമ്മൽ സ്വദേശി അമൽദർശനാണ് (30) പരിക്കേറ്റത്. തീവ്രപരിചരണ വിഭാഗത്തിൽ ചികിത്സയിലാണ് യുവാവ്. സംഭവത്തെ തുടർന്ന് ഒളിവിൽ പോയ പ്രതി ആലംകോട് സ്വദേശി ഷാൻ പിടികൂടാനായില്ല.
കിളിമാനൂർ പൊതുചന്തയിൽ തട്ടുകട നടത്തുന്ന ആളാണ് കുത്തേറ്റ അമൽദർശൻ. കുറച്ചു ദിവസങ്ങൾക്ക് മുൻപ് രാത്രിയിൽ ഭക്ഷണം കഴിക്കാനെത്തിയ പ്രതിയും കുടുംബവുമായി അമൽദർശൻ വാക്ക് തർക്കത്തിൽ ഏർപ്പെട്ടിരുന്നു. ഇതിൻ്റെ വീഡിയോ സോഷ്യൽ മീഡിയയിൽ പ്രചരിപ്പിച്ചതിലുള്ള വിരോധമാണ് അക്രമത്തിന് കാരണം. നഗരൂർ പൊലീസ് കേസെടുത്ത് അന്വേഷണം തുടങ്ങി.
Read Also: മോദിയെ അച്ഛന്റെയോ സഹോദരന്റെയോ സ്ഥാനത്ത് സ്നേഹിക്കാൻ തോന്നും; പത്മജ വേണുഗോപാൽ
