ഹരിദ്വാർ, ഉജ്ജയിൻ, നാസിക്, പ്രയാഗ്രാജ് മോഡൽ കുംഭമേള കേരളത്തിൽ
തിരുവനന്തപുരം: പന്ത്രണ്ട് വർഷത്തിലൊരിക്കൽ നടക്കുന്ന ഹിന്ദു തീർത്ഥാടക സംഗമമായ കുംഭമേളക്ക് കേരളവും വേദിയാകുന്നു.
ഹരിദ്വാർ, ഉജ്ജയിൻ, നാസിക്, പ്രയാഗ്രാജ് എന്നിവിടങ്ങളിലെ മഹാ കുംഭമേളകളെപ്പോലെ, മലപ്പുറം തിരുനാവായയും 2026-ൽ കുംഭമേളാ മണ്ഡലമാകും.
തിരുനാവായ നാവമുകുന്ദ ക്ഷേത്രത്തിന് മുന്നിലുള്ള ഭാരതപ്പുഴ തീരത്ത് 2026 ജനുവരി 18 മുതൽ ഫെബ്രുവരി 3 വരെ മേള നടക്കാനാണ് സാധ്യത.
നവംബർ 23ന് ചേരുന്ന യോഗത്തിൽ മേളാ സംഘാടക സമിതി രൂപീകരിക്കും. രാജ്യത്തെ ഏറ്റവും വലിയ സന്യാസ സംഘടനയായ ജുന് അഖാരയാണ് മേളയുടെ മേൽനോട്ടം വഹിക്കുക എന്ന് മഹാമണ്ഡലേശ്വർ സ്വാമി ആനന്ദവനം ഭാരതി വ്യക്തമാക്കി.
സ്വാമി ആനന്ദവനം ബുധനാഴ്ച തിരുനാവായ ക്ഷേത്രം സന്ദർശിച്ച് ഒരുക്കങ്ങൾ വിലയിരുത്തി.
ഒരിക്കൽ തൃശ്ശൂർ എസ്എഫ്ഐ നേതാവായിരുന്ന അദ്ദേഹം പിന്നീട് സന്യാസം സ്വീകരിച്ച് ജുന് അഖാരയിലെ മഹാമണ്ഡലേശ്വർ പദവിയിലെത്തിയ മൂന്നാമത്തെ മലയാളിയായിത്തീർന്നു.
ചേരമാൻ പെരുമാളിന്റെ കാലം മുതൽ തിരുനാവായയിൽ ‘മഹാ മഖം’ എന്ന പേരിൽ ഉത്സവം നടന്നിരുന്നു. അത് പിന്നീട് മാമാങ്കമായി പരിണമിച്ചതാണ്.
തമിഴ്നാട്ടിലെ കുംഭകോണത്തുപോലെ, തിരുനാവായയിലും മലയാള മാസത്തിലെ മകം നക്ഷത്രവുമായി ബന്ധപ്പെട്ടാണ് ഈ ചടങ്ങുകൾ നടന്നിരുന്നത്.
2016-ൽ തിരുനാവായയിൽ വീണ്ടും മഹാ മഖം ചടങ്ങുകൾ പുനരാരംഭിച്ചിരുന്നു. ആ വർഷം മുതൽ നദീപൂജാ ചടങ്ങുകൾ വാർഷികമായി നടക്കുന്നു.
കോവിഡ് കാലത്ത് മാത്രം ചടങ്ങ് ഒഴിവാക്കുകയായിരുന്നു. 2028-ൽ വിപുലമായ മഹാ മഖം (കുംഭമേള) സംഘടിപ്പിക്കാനാണ് ലക്ഷ്യം; അതിന് മുന്നോടിയായിരിക്കും 2026ലെ മേള.
മേളയുടെ നടത്തിപ്പിന് മലബാർ, തിരുവിതാംകൂർ ദേവസ്വം ബോർഡുകളുടെ സഹകരണവും മറ്റ് അഖാരകളുടെ പങ്കാളിത്തവും ഉറപ്പാക്കുമെന്ന് സ്വാമി ആനന്ദവനം ഭാരതി പറഞ്ഞു.
English Summary:
Kerala is set to host a Kumbh Mela at Thirunavaya in Malappuram from January 18 to February 3, 2026, marking the first such event in the state in modern times. The festival will be held on the banks of the Bharathapuzha River near the Navamukunda Temple. The Juna Akhara, India’s largest sect of ascetics, will oversee the event, led by Mahamandaleshwar Swami Anandavanam Bharati, a Malayali monk and former SFI leader.
The Thirunavaya region historically hosted the Maha Magham ritual, later evolving into the famous Mamankam festival. The revival of the Maha Magham began in 2016, and the upcoming 2026 event will serve as a prelude to a grand celebration planned for 2028.
thirunavaya-kumbhamela-kerala-2026
Thirunavaya, Kumbh Mela, Kerala, Malappuram, Bharathapuzha, Juna Akhara, Hindu Pilgrimage, Maha Magham
