മലപ്പുറം വളാഞ്ചേരിയിൽ ബന്ധുവീട്ടിൽ എത്തിയ യുവതിയെ വീട്ടിൽ അതിക്രമിച്ചു കയറി കൂട്ടബലാൽസംഗം ചെയ്തതായി പരാതി. മൂന്നുദിവസം മുമ്പ് നടന്ന സംഭവം യുവതി സുഹൃത്തുക്കളോട് പറഞ്ഞതിനെ തുടർന്നാണ് പുറത്തറിഞ്ഞത്. രാത്രിയിൽ വീട്ടിൽ അതിക്രമിച്ചു കടന്ന സംഘം യുവതിയെ കൂട്ട ബലാത്സംഗം ചെയ്യുകയായിരുന്നു എന്നാണു പരാതി. (The young woman reached her relative’s house and was gang-raped)
സംഭവത്തെ തുടർന്ന് കടുത്ത മാനസിക സമ്മർദ്ദത്തിൽ ആയിരുന്ന യുവതി, സുഹൃത്തുക്കളുടെ നിരന്തരമായ ചോദ്യത്തെ തുടർന്ന് സംഭവം പുറത്തു പറയുകയായിരുന്നു. സുഹൃത്തുക്കൾ പോലീസിൽ അറിയിച്ചതിനെ തുടർന്ന് നടത്തിയ അന്വേഷണത്തിൽ രണ്ടുപേർ പിടിയിലായതായിട്ടാണ് സൂചന. മൂന്നാമത്തെയാൾക്ക് വേണ്ടി തിരച്ചിൽ തുടരുകയാണെന്ന് അന്വേഷണ ചുമതലയുള്ള തിരൂർ ഡിവൈഎസ്പി പി.പി ഷംസു പറഞ്ഞു.
