മദ്യലഹരിയിൽ ബഹളം വെച്ച ആളെ കസ്റ്റഡിയിൽ എടുക്കാൻ വീട്ടിലെത്തിയ പോലീസ് പിടിച്ചത് നല്ല ഒന്നാന്തരം പുലിവാല്. ഇലക്ഷൻ ഡ്യൂട്ടിക്കിടെ രാത്രിയിൽ ഒരാൾ വീട്ടിൽ അടി ഉണ്ടാക്കുന്ന വിവരം ലഭിച്ചത് അനുസരിച്ചാണ് പോലീസ് ഇയാളുടെ വീട്ടിലെത്തിയത്. 56കാരനെ വെറുതെ ഒന്ന് ഉപദേശിച്ചു വിടാം എന്ന് കരുതിയാണ് പോലീസ് എത്തിയത്. എന്നാൽ കനത്ത മദ്യലഹരിയിൽ ആയിരുന്ന ഇയാൾ പോലീസിനെ വട്ടം കറക്കി. മദ്യപിച്ച് സ്വബോധം നഷ്ടപ്പെട്ട നിലയിലായിരുന്നു ഇയാൾ. ഒന്നും ചോദിക്കാനാവാതെ വന്നതോടെ ഇയാളുടെ കെട്ടുറക്കാൻ എന്താണ് മാർഗ്ഗമെന്ന് അന്വേഷണമായി. ഒടുവിൽ കുളിപ്പിക്കാൻ തന്നെ തീരുമാനിച്ചു.

പിടിച്ചു വലിച്ച് പൈപ്പിന്റെ ചുവട്ടിൽ എത്തിച്ച് കുളിക്കാൻ ആവശ്യപ്പെട്ടെങ്കിലും തരിമ്പും ബോധം ഇല്ലാതിരുന്ന വയോധികന് അനക്കം ഉണ്ടായിരുന്നില്ല. ഇയാളെ കുളിപ്പിക്കേണ്ട ചുമതല പോലീസിന്റെ തലയിലായി. എസ് ഐ കിണറ്റിൽ നിന്ന് വെള്ളം കോരി തലയിലൊഴിച്ചു. കുറേ വെള്ളം ഒഴിച്ച ബോധം വന്ന ഇയാളെ പിന്നീട് സ്റ്റേഷനിലേക്ക് കൊണ്ടുപോയി. കാര്യമായി ഉപദേശിച്ച ശേഷം മദ്യപിച്ച് വഴക്കുണ്ടാക്കിയതിനും ഭാര്യയെ തല്ലിയതിനും കേസെടുത്തു. സ്റ്റേഷൻ ജാമ്യത്തിൽ അപ്പോൾ തന്നെ വിട്ടയക്കുകയും ചെയ്തു. ക്രമസമാധാന പാലനത്തിനിടയിൽ ഇത്തരം സംഭവങ്ങൾ സാധാരണമാണ് എന്നാണ് പോലീസ് ഭാഷ്യം.

read also: ക്ഷേത്രപരിപാടിക്ക് നൃത്തം ചെയ്യുമ്പോൾ കുഴഞ്ഞുവീണു 67 വയസ്സുകാരിക്ക് ദാരുണാന്ത്യം