റിസർവ് ബാങ്ക് രഹസ്യമായി ബാങ്ക് ഓഫ് ഇംഗ്ലണ്ടിലെ Bank of England ലോക്കറിൽ സൂക്ഷിച്ചിരുന്ന 102 ടൺ സ്വർണം 102 tonnes of gold ഇന്ത്യയിലെത്തിച്ചു. 1990 കൾ മുതൽ വിദേശത്തെ സ്വർണ ശേഖരങ്ങൾ ഇന്ത്യയിലെത്തിക്കുന്നുണ്ട്. യുകെയിൽ നിന്ന് ഇതിനോടകം തന്നെ 100 ടൺ സ്വർണം മാറ്റിയിരുന്നു. സെപ്റ്റംബർ അവസാനത്തോടെ റിസർവ് ബാങ്കിൻ്റെ മൊത്തം കരുതൽ ധനത്തിൽ 855 ടൺ സ്വർണമുണ്ട്. 510.5 ടൺ സ്വർണം ഇപ്പോൾ ഇന്ത്യയിലുണ്ട്. നേരത്തെ മെയ് മാസത്തിൽ യുകെയിൽ നിന്ന് 100 ടൺ സ്വർണം ഇന്ത്യയിലേക്ക് കൊണ്ടുവന്നിരുന്നു.
അത്യാധുനിക സുരക്ഷ സംവിധാനങ്ങളോടെയാണ് പ്രത്യേക വിമാനത്തിൽ സ്വർണം രാജ്യത്തെത്തിച്ചത്. ഇന്ത്യയിലെ അതീവ സുരക്ഷ കേന്ദ്രങ്ങളിലേക്ക് സ്വർണം മാറ്റിയിട്ടുണ്ട്. നേരത്തെ ആർബിഐ പുറത്തിറക്കിയ ഫോറിൻ എക്‌സ്‌ചേഞ്ച് റിസർവ് റിപ്പോർട്ട് അനുസരിച്ച് സെപ്റ്റംബർ മാസം വരെ 855 ടൺ സ്വർണമാണ് രാജ്യത്തിന്റെ കരുതൽ സ്വർണം.
അന്താരാഷ്ട്ര തലത്തിൽ സംഘർഷ സാധ്യതകൾ നിലനിൽക്കുന്നതിനാൽ സ്വർണം ഇന്ത്യയിൽ സൂക്ഷിക്കുന്നതിന് ഏറെ പ്രസക്തിയുള്ളതായാണ് വിലയിരുത്തൽ. ആകെ കരുതൽ സ്വർണത്തിൽ 510.5 ടൺ നിലവിൽ ഇന്ത്യയിൽ തന്നെയുണ്ട്. വിദേശത്ത് സൂക്ഷിക്കുന്നതിന്റെ പ്രതിസന്ധികളും ഇതിലൂടെ മറികടക്കാനാകും.
രാജ്യത്തിന് പുറത്ത് നിലവിൽ 324 ടൺ സ്വർണമാണ് സൂക്ഷിച്ചിട്ടുള്ളത്. യുകെയിലെ ബാങ്ക് ഓഫ് ഇംഗ്ലണ്ട്, ബാങ്ക് ഓഫ് ഇന്റർനാഷണൽ സെറ്റിൽമെന്റ്‌സ് എന്നിവിടങ്ങളിലായാണ് സ്വർണം സൂക്ഷിച്ചിരിക്കുന്നത്.
