സംസ്ഥാനത്ത് സ്വര്‍ണവില കഴിഞ്ഞ ആറുദിവസത്തെ ഏറ്റവും കുറഞ്ഞ നിരക്കിൽ. ആഗോള തലത്തില്‍ നിക്ഷേപകര്‍ക്ക് ആശങ്കയുണ്ടാക്കിയിരുന്ന കാര്യങ്ങളില്‍ അയവ് വന്നതാണ് ഇന്ന് വില കുറയാന്‍ കാരണം. ഒരു പവന്‍ സ്വര്‍ണത്തിന് ഇന്നത്തെ വില 53,240 രൂപയാണ്. കഴിഞ്ഞ ദിവസം 53,480 രൂപയായിരുന്നു. പവന് 240 രൂപയാണ് കുറഞ്ഞിരിക്കുന്നത്. ഗ്രാമിന് 30 രൂപ താഴ്ന്ന് 6655 രൂപയിലെത്തി. ഈ മാസം 24ന് 53280 രൂപയായിരുന്നു വില. ഏറിയും കുറഞ്ഞും വില പിന്നീട് ഉയര്‍ന്നു നില്‍ക്കുകയായിരുന്നു. ഇന്നാണ് ആ വിലയേക്കാള്‍ താഴേക്ക് സ്വര്‍ണമെത്തിയത്. ഈ മാസം രേഖപ്പെടുത്തിയ ഏറ്റവും കുറഞ്ഞ നിരക്ക് 50,680 രൂപയും (ഏപ്രില്‍ 2) കൂടിയത് 54,520 രൂപയും (ഏപ്രിൽ 19) ആയിരുന്നു. ഈ ഒരു ട്രെന്‍ഡ് തുടര്‍ന്നാല്‍ വരും ദിവസങ്ങളിലും സ്വര്‍ണവിലയില്‍ കുറവ് വന്നേക്കും. കഴിഞ്ഞ അഞ്ച് ദിവസത്തിന് ശേഷമാണ് ഇത്രയും കുറഞ്ഞ വിലയിൽ എത്തുന്നത്.

Read also: ബസ് തടഞ്ഞില്ലെന്നു മേയർ പറഞ്ഞത് പച്ചക്കള്ളം ? : ബസ്സിനു കുറുകെ സീബ്ര ലൈനിൽ കാർ നിർത്തി തടയുന്നതിന്റെ ദൃശ്യങ്ങൾ പുറത്ത്