തിരുവനന്തപുരം: ബാർകോഴ വിവാദത്തില് തിരുവഞ്ചൂര് രാധാകൃഷ്ണന്റെ മകൻ അർജുൻ രാധാകൃഷ്ണന് ക്രൈം ബ്രാഞ്ചിന് മുന്നിൽ ഹാജരാകാനുള്ള സമയപരിധി ഇന്നവസാനിക്കും.The investigation team found that Arjun was the admin of the WhatsApp group
വെള്ളിയാഴ്ച ക്രൈംബ്രാഞ്ചിന്റെ ജവഹർ നഗർ ഓഫീസില് ചോദ്യം ചെയ്യലിന് ഹാജരാകാൻ അര്ജുന് രാധാകൃഷ്ണന് നല്കിയ നോട്ടീസില് പറയുന്നു.
വിവാദ ശബ്ദരേഖ വന്ന ബാറുടമകളുടെ വാട്സ്ആപ്പ് ഗ്രൂപ്പിന്റെ അഡ്മിനായിരുന്നു അർജുൻ എന്നായിരുന്നു അന്വേഷണ സംഘം കണ്ടെത്തിയത്. നേരത്തെ രണ്ട് തവണ ഫോണിൽ വിളിച്ച് മൊഴി രേഖപ്പെടുത്താൻ സൗകര്യം ചോദിച്ചുവെങ്കിലും അർജുൻ പ്രതികരിച്ചിരുന്നില്ല. തുടർന്നാണ് ഇന്ന് ഓഫീസിൽ നേരിട്ട് ഹാജരാകാൻ നോട്ടീസ് നൽകിയത്.
തിങ്കളാഴ്ച തിരുവനന്തപുരത്തെ വീട്ടിലെത്തി നോട്ടീസ് നൽകാൻ ക്രൈംബ്രാഞ്ച് ശ്രമിച്ചെങ്കിലും അർജുൻ വാങ്ങാൻ തായാറായില്ല. കൈപ്പറ്റാത്തതിനാല് ഇ-മെയില് വഴിയാണ് നോട്ടീസ് അയച്ചത്. അര്ജുന് നിലവില് ഗ്രൂപ്പ് അഡ്മിന് അല്ല. എന്നാല് ഇപ്പോഴും അംഗമാണ്.
തന്റെ പേരിൽ ബാറുകളില്ലെന്ന് പറഞ്ഞാണ് അർജുൻ നോട്ടിസ് കൈപ്പറ്റാൻ വിസമ്മതിച്ചത്. എന്നാൽ അര്ജുന് രാധാകൃഷ്ണന്റെ ഭാര്യാപിതാവിന് ബാറുണ്ട്. ഇതിന്റെ പേരിലാണ് അര്ജുന് ഗ്രൂപ്പംഗവും അഡ്മിനുമായത്. വാട്സാപ്പ് ഗ്രൂപ്പില് അര്ജുന് തുടരുന്നതിനാലാണ് നോട്ടീസ് നല്കിയതെന്ന് ക്രൈംബ്രാഞ്ച് വ്യക്തമാക്കുന്നു. ശബ്ദരേഖ ചോര്ന്നതില് ഗൂഢാലോചനയുണ്ടോയെന്നാണ് ക്രൈംബ്രാഞ്ച് അന്വേഷിക്കുന്നത്.
തിരുവനന്തപുരത്ത് എത്താൻ കഴിയില്ല എങ്കിൽ സൗകര്യപ്രദമായ മറ്റൊരു സ്ഥലം പറയണമെന്ന് അന്വേഷണസംഘം ആവശ്യപ്പെട്ടിരുന്നു. മദ്യനയം മാറ്റത്തിനായി കോഴപ്പിരിവിന് ബാർ ഹോട്ടൽ അസോസിയേഷൻ നേതാവ് അനുമോൻ ശബ്ദസന്ദേശം ഇട്ട വാട്സ്ആപ്പ് ഗ്രൂപ്പിൽ അർജുൻ രാധാകൃഷ്ണൻ അംഗമാണെന്നാണ് ക്രൈംബ്രാഞ്ച് വാദം.
