വീണ്ടും തരൂർ തന്നെയോ?; ഇഞ്ചോടിഞ്ച് പോരാട്ടം; തിരുവനന്തപുരത്ത് ശശി തരൂർ ലീഡ് ഉയർത്തുന്നു

ലോക്സഭ തെരഞ്ഞെടുപ്പ് വോട്ടെണ്ണൽ പുരോഗമിക്കുമ്പോൾ തലസ്ഥാനത്ത് മാറിമറിഞ്ഞ് ലീഡ് നില. എൻഡിഎ സ്ഥാനാർത്ഥി രാജീവ് ചന്ദ്രേശഖറും യുഡിഎഫ് സ്ഥാനാർത്ഥി ശശി തരൂരും തമ്മിലുള്ള പോരാട്ടം കനക്കുകയാണ്. മിനിറ്റുകളുടെ വ്യത്യാസത്തിൽ ലീഡ് മാറിമറിയുന്ന നിലയാണ് കണ്ടുവന്നത്.

ആദ്യ മണിക്കൂറുകൾ പിന്നിട്ടപ്പോൾ തിരുവനന്തപുരത്ത് രാജീവ് ചന്ദ്രശേഖറിനായിരുന്നു ലീഡ് എന്നാലിപ്പോൾ തരൂർ ലീഡ് ഉയർത്തുന്ന അവസ്ഥയാണ് കാണാനാകുന്നത്. ശശി തരൂരിന് 9766 വോട്ടുകളുടെ ലീഡ് ആണ് ഇപ്പോഴുള്ളത്. ഇഞ്ചോടിഞ്ച് പോരാട്ടം എന്ന് തന്നെ പറയേണ്ട സാഹചര്യമാണ് നിലവിൽ തിരുവനന്തപുരത്ത് കാണാനാകുന്നത്.