താപനിലയിൽ വലിയ കുറവുണ്ടായതിനാൽ യു.കെ.യുടെ ഭൂരിഭാഗം പ്രദേശങ്ങളിലും ശനിയാഴ്ച മുതൽ മഞ്ഞു വീഴ്ചയുണ്ടാകുമെന്ന് പ്രവചനം. ഇംഗ്ലണ്ടിലും വെയിൽസിലും സ്‌കോട്ട്‌ലാൻഡിന്റെ ചില ഭാഗങ്ങളിലും മഞ്ഞുവീഴ്ച രൂക്ഷമാകും. ഇതോടെ ഗ്രാമീണ മേഖലയിലേയ്ക്കുള്ള യാത്രാവഴികൾ അടയുകയും വൈദ്യുതി ബന്ധം വിച്ഛേദിക്കപ്പെടുകയും ചെയ്യാം. Temperatures drop sharply in the UK; snow expected for three days
ശനിയാഴ്ച മുതൽ തിങ്കളാഴ്ച ഒൻപത് വരെ ആയിരിക്കും മഞ്ഞു വീഴ്ച കനക്കുക. വാരാന്ത്യത്തിൽ മിഡ്‌ലാൻഡ്‌സ്ിലും , വടക്കൻ ഇംഗ്ലണ്ട് , വെയിൽസ് എന്നിവിടങ്ങളിലും കനത്ത മഞ്ഞുവീഴ്ച പ്രതീക്ഷിക്കാം.
ഉയർന്ന പ്രദേശങ്ങളിൽ 20-30 സെന്റീമീറ്റർ വരെ മഞ്ഞു വീഴാൻ സാധ്യതയുണ്ട്. തെക്കൻ ഇംഗ്ലണ്ടിൽ മഴയ്ക്കും സാധ്യതയുണ്ട്. കഴിഞ്ഞ 24 മണിക്കൂറിനിടയ്ക്ക് വടക്ക് – പടിഞ്ഞാറൻ ഇംഗ്ലണ്ടിലുടനീളം 90 മില്ലീമീറ്റർ മഴ ലഭിച്ചു.
