ടാറ്റ മോട്ടോഴ്‌സിൽ മഹാ പുനഃക്രമീകരണം: യാത്രാവാഹനങ്ങൾക്ക് പുതിയ പേര്, ലോഗോ ഒക്ടോബർ 24-ന്
ഇന്ത്യയിലെ മുൻനിര വാഹന നിർമ്മാതാക്കളിലൊന്നായ ടാറ്റ മോട്ടോഴ്‌സ് പുതിയ ഭരണരീതിയിലേക്ക് കടക്കുകയാണ്.
യാത്രാവാഹനങ്ങളും വാണിജ്യ വാഹനങ്ങളും രണ്ട് സ്വതന്ത്ര സ്ഥാപനങ്ങളായി വേർതിരിക്കുന്നതിനെക്കുറിച്ചുള്ള പ്രഖ്യാപനം സെപ്റ്റംബർ അവസാനം നടന്നിരുന്നു.
ഇതിന്റെ അടിസ്ഥാനത്തിൽ ഒക്ടോബർ 14 മുതൽ ടാറ്റ മോട്ടോഴ്‌സ് ഔദ്യോഗികമായി രണ്ട് വിഭാഗങ്ങളായി പിരിഞ്ഞു.
പുതിയ പേര്‌യും ലോഗോയും ഒക്ടോബർ 24-ന്
യാത്രാ വാഹനങ്ങൾക്കായി രൂപീകരിച്ച പുതിയ സ്ഥാപനത്തിന് ‘ടാറ്റ മോട്ടോഴ്‌സ് പാസഞ്ചർ വെഹിക്കിൾ’ (Tata Motors Passenger Vehicle) എന്ന പേരാണ് നൽകുന്നത്.
ഈ പേര് ഒക്ടോബർ 24 മുതൽ പ്രാബല്യത്തിൽ വരും. അതോടൊപ്പം യാത്രാവിഭാഗത്തിനുള്ള പുതിയ ലോഗോയും അതേദിവസം തന്നെ പുറത്തിറക്കുമെന്ന് റിപ്പോർട്ടുകളുണ്ട്.
ഈ വേർതിരിവിനുശേഷവും സ്റ്റോക്ക് എക്‌സ്‌ചേഞ്ചിൽ കമ്പനി ഇപ്പോഴും ടാറ്റാ മോട്ടേഴ്സ് എന്ന പേരിലാണ് യാത്രാവിഭാഗം ലിസ്റ്റ് ചെയ്തിരിക്കുന്നത്.
അതിനാലാണ് 24 മുതൽ പുതിയ പേരോടെ ഔദ്യോഗികമായ തിരിച്ചറിയൽ പ്രഖ്യാപിച്ചിരിക്കുന്നത്.
മൊസാംബിക്കിൽ കടലിൽ ലോഞ്ച് ബോട്ട് മുങ്ങി അപകടം: 3 ഇന്ത്യക്കാർ മരിച്ചു, മലയാളിയടക്കം 5 പേരെ കാണാതായി
രണ്ട് പുതിയ സ്ഥാപനങ്ങൾ — ലക്ഷ്യം കൂടുതൽ കാര്യക്ഷമത
കമ്പനിയുടെ വാണിജ്യ വാഹനങ്ങളും അതുമായി ബന്ധപ്പെട്ട നിക്ഷേപങ്ങളും ഒരൊറ്റ സ്ഥാപനത്തിന്റെ നിയന്ത്രണത്തിലാകും.
അതുപോലെ തന്നെ യാത്രാവിഭാഗം അതിന്റെ ആസ്തികളുമായി കൂടി മറ്റൊരു സ്ഥാപനം ഏറ്റെടുക്കും. ലക്ഷ്യം വിപണി കേന്ദ്രീകൃത പ്രവർത്തനം വിഭാഗസ്പെഷലൈസ് ചെയ്ത നിക്ഷേപ നിയന്ത്രണം ദീർഘകാല വളർച്ചാ തന്ത്രങ്ങൾ
ടാറ്റ മോട്ടോഴ്‌സ് കരുതുന്നത്, ഈ നീക്കം ഇന്ത്യയിലെ വാഹന വ്യവസായത്തിൽ വലിയ മാറ്റങ്ങൾക്ക് നിമിത്തമാവുമെന്നാണ്.
ഒരേ കുടക്കീഴിൽ രണ്ട് വ്യത്യസ്ത വിപണി തന്ത്രങ്ങൾ കൈകാര്യം ചെയ്യുന്നതിനേക്കാൾ, പ്രത്യേകം സ്ഥാപനങ്ങളായി രൂപീകരിക്കുന്നത് ഓപ്പറേഷനുകൾക്ക് വേഗവും വ്യക്തതയും നൽകുമെന്ന് കമ്പനി വ്യക്തമാക്കുന്നു.
ടാറ്റ മോട്ടോഴ്‌സിൽ പുനഃക്രമീകരണം: യാത്രാവാഹനങ്ങൾക്ക് പുതിയ പേര്, ലോഗോ ഒക്ടോബർ 24-ന്
വിപണിയിൽ പ്രതീക്ഷ ഉയർന്ന്
ഇലക്ട്രിക് വാഹനങ്ങളുടെ വളർച്ചയും SUV മാർക്കറ്റിലെ കഠിനമായ മത്സരം ചൂണ്ടിക്കാട്ടിക്കൊണ്ടാണ് ടാറ്റയുടെ ഈ നീക്കം.
നിക്ഷേപകരും ഓട്ടോമൊബൈൽ മേഖലയിലുളളവർ ഇതിനെ മുന്നോട്ടുള്ള വലിയ തന്ത്രപരമായ ചുവടുവയ്പ്പായി വിലയിരുത്തുന്നു.
